லோகேஷ் கனகராஜ் இயக்கத்தில் கமல் நடித்த ‘விக்ரம்’ படம் பெரு வெற்றி பெற்றதால் அவரது இந்தியன் 2 மீண்டும் படப்பிடிப்பு துவங்கி பரபரப்பாக நடைபெற்று வருகிறது.
இந்தியன் - 2க்குப் பிறகு கமல்ஹாசன் இயக்குநர் மணிரத்னம் இயக்கத்தில் நடிப்பார் என்று எதிர்பார்க்கப்பட்ட நிலையில், வினோத் இயக்கத்தில் அவர் நடிக்க உள்ளது உறுதியாகியுள்ளது.
இதற்காக, கமல் - வினோத் கூட்டணியில் உருவாகும் கமல் 233 படத்தின் அதிகாரப்பூர்வ அறிவிப்பு விடியோவை தயாரிப்பு நிறுவனமான ராஜ்கமல் இண்டர்நெஷனல் வெளியிட்டுள்ளது.
இதையும் படிக்க: கனவை சாத்தியப்படுத்தியதற்கு நன்றி ரஞ்சித்: விக்ரம்
‘ரைஸ் டூ ரூல்’(rise to rule) என்கிற தலைப்பில் வெளியாகியுள்ள காட்சிகள் இது அரசியல் படமென்பதைக் உறுதிசெய்கின்றன.
இந்நிலையில், எழுத்து - இயக்கம் ஹெச்.வினோத் என அறிவிப்பில் தெரிவிக்கப்பட்டிருந்தாலும் கமல்ஹாசனே படத்திற்கு அரசியல் பின்னணியைக் கொண்டு கதையை எழுதி வருவதாக தகவல் வெளியாகியுள்ளது.
தன்னுடைய அரசியல் வாழ்க்கையில் தேக்கம் ஏற்பட்டுள்ளதால் இப்படம் அரசியல் ரீதியாகவும் தன் பெயரைக் கூற வேண்டும் என்பதை கவனத்தில் கொண்டு இதனை உருவாக்க கமல் திட்டமிட்டிருக்கிறாராம்!
— Kamal Haasan (@ikamalhaasan) July 4, 2023