பிரபல நிறுவன தயாரிப்பில் ’லவ் டுடே’ ஹிந்தி ரீமேக்

லவ் டுடே ஹிந்தி ரீமேக் உரிமையை பிரபல நிறுவனம் கைப்பற்றியுள்ளது.

கல்பாத்தி எஸ்.அகோரம், கல்பாத்தி எஸ்.கணேஷ், கல்பாத்தி எஸ்.சுரேஷ் ஆகியோர் தயாரிப்பில் உருவான திரைப்படம் லவ் டுடே. பிரதீப் ரங்கநாதன் இந்தத் திரைப்படத்தை இயக்கி நாயகனாக நடித்திருந்தார்.

கடந்த நவ.4 ஆம் தேதி வெளியான இப்படம் அனைத்துத் தரப்பினரிடமும் பெரிய வரவேற்பைப் பெற்றது. காதலில் நம்பிக்கை எவ்வளவு முக்கியமானது என்பதைக் கருவாகக் கொண்டு உருவாகியிருந்தது.

மேலும், லவ் டுடே ரூ.100 கோடி வசூலித்து பெரிய வெற்றிப் படமாகவும் அமைந்தது.

இதையும் படிக்க: 10 கோடி பார்வைகளைக் கடந்தது ‘ஜலபுல ஜங்கு’ பாடல்

இந்நிலையில், இப்படத்தின் ஹிந்தி ரீமேக் உரிமையை ஃபாண்டோம் ஸ்டூடியோஸ் நிறுவனம் கைப்பற்றியுள்ளது.

ஃபாண்டோம் ஸ்டூடியோஸ் குயின், உத்தா பஞ்சாப், 83 உள்ளிட்ட படங்களைத் தயாரித்தது குறிப்பிடத்தக்கது.