இறுதிக்கட்டத்தில் ‘இந்தியன் 2’ படப்பிடிப்பு!

இந்தியன் 2 படத்தின் படப்பிடிப்பு இறுதிக்கட்டத்தை நெருங்கியுள்ளதாக தகவல் வெளியாகியுள்ளது.

இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர். 

ஜெயமோகன் எழுத்தில் லைகா தயாரிப்பில் அனிருத் இசையில் ரவி வர்மா, ரத்னவேலு ஒளிப்பதிவில் உருவாகும் இந்தியன் 2 படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் நடிக்கின்றனர்.

இதையும் படிக்க: சூர்யாவுடன் இணையும் பிரபல மலையாள நடிகர்

இப்படத்தின் பிளாஷ்ஃபேக் காட்சிகளுக்கான படப்பிடிப்பு பிகாரில் சமீபத்தில் நிறைவடைந்தது. அதனைத் தொடர்ந்து, திருப்பதியில் நடைபெற்று முடிந்தது.

மேலும், தற்போது சென்னையிலுள்ள பனையூரில் சண்டைக்காட்சிகள் எடுக்கப்பட்டு வருகின்றன.

இந்நிலையில், சென்னையில் படப்பிடிப்பு முடிந்ததும் தனுஷ்கோடியில் இப்படத்தின் இறுதி படப்பிடிப்பு நடக்கவுள்ளதாகவும் தகவல் வெளியாகியுள்ளது.