சந்திரமுகி 2 திரைப்படம் ஓடிடி தளத்தில் எப்போது வெளியாகும் என்கிற அதிகாரபூர்வ அறிவிப்பு வெளியாகியுள்ளது.
ரஜினி நடிப்பில் மிகப்பெரிய அளவில் வெற்றி பெற்ற படம் சந்திரமுகி. இப்படத்தின் இரண்டாம் பாகம் ராகவா லாரன்ஸ் நடிப்பில் செப்.28ஆம் தேதி வெளியானது. படத்தில் கங்கனா ரணாவத், ராதிகா, ஸ்ருஷ்டி, நகைச்சுவை நடிகர் வடிவேலு முக்கியக் கதாபாத்திரங்களில் நடித்திருந்தனர்.
லைகா தயாரித்த இந்த படத்திற்கு ஆஸ்கர் வென்ற எம்.எம்.கீரவாணி இசையமைத்திருந்தார். முதல் பாகத்தை இயக்கிய பி.வாசுவே இதன் இரண்டாம் பாகத்தையும் இயக்கி இருந்தார். மிகுந்த எதிர்பார்ப்புக்கு மத்தியில் வெளியான இப்படம் ரசிகர்கள் மத்தியில் கலவையான விமர்சனங்களைப் பெற்றது.
மேலும் படத்தின் வசூலும் சொல்லிக்கொள்ளும் வகையில் இல்லை. இந்த நிலையில் 'சந்திரமுகி 2' திரைப்படம் நெட்பிளிக்ஸ் ஓடிடி தளத்தில் அக்.26ல் வெளியாகும் என அதிகாரபூர்வ அறிவிப்பு வெளியாகியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.