துணிவு படத்தைத் தொடர்ந்து நடிகர் அஜித் குமார், விடாமுயற்சி படத்தில் நடித்து வருகிறார். மகிழ் திருமேனி இயக்கத்தில் உருவாகும் இப்படத்தில் த்ரிஷா உள்ளிட்ட நட்சத்திர நடிகர்கள் நடிக்கின்றனர்.
விடாமுயற்சி படத்திற்குப் பின் நடிகர் அஜித், இயக்குநர் ஆதிக் ரவிச்சந்திரன் இயக்கத்தில் மைத்ரி மூவி மேக்கர்ஸ் நிறுவனம் தயாரிக்கும் ’குட் பேட் அக்லி’ படத்தில் நடிக்கிறார்.
இதற்கிடையே, உடல்நலம் பாதிக்கப்பட்ட அஜித் தனியார் மருத்துவமனையில் சிகிச்சை பெற்று நலமானதும் மீண்டும் இருசக்கர வாகனத்தில் பயணம் செய்தும் அசத்துகிறார்.
இந்த நிலையில், நேற்று (ஏப்.1) நடிகர் அஜித், இருசக்கர வாகன நிறுவனத்தில் பணியாற்றும் ரசிகர்களைச் சந்தித்தார். அதில், சிலர் அவரிடம் கையொப்பம் பெற்றனர்.
அப்போது, அஜித் “சரியாக முட்டாள்கள் நாளன்று வந்திருக்கிறீர்களே” எனக் கிண்டலாகக் கூறினார். இதைக் கேட்ட அனைவரும் சிரித்தனர். தற்போது, இந்த விடியோ வைரலாகி வருகிறது.
