நடிகர் விஜய் தேவரகொண்டா நடிப்பில் உருவாகியுள்ள ஃபேமிலி ஸ்டார் படத்தின் ஓடிடி ரிலீஸ் குறித்த அப்டேட் வெளியாகியுள்ளது.
அர்ஜுன் ரெட்டி திரைப்படம் மூலம் இந்தியா அளவில் டிரெண்டானவர் நடிகர் விஜய் தேவரகொண்டா. ராஷ்மிகாவுடன் அவர் நடித்த கீதா கோவிந்தம், டியர் காம்ரேட் ஆகிய படங்கள் கவனம் பெற்றன. அவரது நடிப்பில் சமந்தாவுடன் நடித்த குஷி திரைப்படம் வெற்றி பெற்றது.
இதனைத் தொடர்ந்து தில் ராஜு தயாரிப்பில் இயக்குநர் பரசுராம் பெட்லா இயக்கத்தில் உருவாகிய படம் ஃபேமலி ஸ்டார். இப்படத்தில் விஜய் தேவரகொண்டாவுக்கு ஜோடியாக மிருணாள் தாக்குர் நடித்துள்ளார்.
இந்தத் திரைப்படம் கடந்த ஏப்ரல் 5ஆம் நாள் வெளியாகி கலவையான விமர்சனங்களைப் பெற்றுவருகிறது.
இதுவரை ரூ.30 கோடி வசூலித்துள்ளதாக தகவல் வெளியான நிலையில் வரும் மே.3ஆம் தேதி அமேசான் பிரைம் ஓடிடியில் வெளியாகுமென புதிய தகவல் வெளியாகியுள்ளது.
இது குறித்து படக்குழு விரைவில் அதிகாரபூர்வமாக அறிவிக்குமென எதிர்பார்க்கப்படுகிறது.