நடிகர் சங்க கட்டடத்தை கட்டி முடிப்பதற்கு சுமார் 40 கோடி ரூபாய் தேவைப்படுவதாக அந்த சங்கம் அண்மையில் தெரிவித்திருந்தது. அதனைத்தொடர்ந்து அதற்கான நிதியை நடிகர்கள், நடிகைகள் உள்ளிட்டோர் வழங்கி வருகின்றனர்.
அந்த வகையில் தென்னிந்திய நடிகர் சங்கத்தின் மூத்த உறுப்பினரும் 2000 - 2006 ஆம் காலகட்டத்தில் சங்கத்தின் உபதலைவராக பொறுப்பேற்று செயலாற்றிய நெப்போலியன் சங்க கட்டடப் பணிக்காக ரூ. 1 கோடியை வைப்பு நிதியாய் வழங்கினார்.
முன்னதாக நடிகரும் அமைச்சருமான உதயநிதி ஸ்டாலின், நடிகர் கமல்ஹாசன், நடிகர் விஜய் ஆகியோர் ரூ.1 கோடி நிதியுதவி வழங்கினார்.
இந்த நிலையில், நடிகர் நெப்போலியன் ரூ.1 கோடி நிதியுதவி வழங்கியதாகத் தென்னிந்திய நடிகர் சங்கம் அறிக்கை வெளியிட்டு நன்றியைத் தெரிவித்துள்ளது.