நடிகர் ரஜினிகாந்த் நடிப்பில் உருவான வேட்டையன் திரைப்படத்தின் வெளியீட்டுத் தேதியை அதிகாரப்பூர்வமாக அறிவித்துள்ளனர்.
இயக்குநர் த.செ. ஞானவேல் ஜெய்பீம் படத்தின் மூலம் கவனம் பெற்றார். தற்போது, நடிகர் ரஜினிகாந்த்தை வைத்து வேட்டையன் என்கிற படத்தை இயக்கியுள்ளார்.
இதில், நடிகர்கள் அமிதாப் பச்சன், ஃபஹத் ஃபாசில், ராணா டக்குபதி, துஷாரா விஜயன் உள்ளிட்ட பலர் நடித்துள்ளனர்.
படப்பிடிப்பு கிட்டதட்ட முடிவடைந்த நிலையில் இதன் டப்பிங் பணிகள் நடைபெற்று வருகின்றன.
முன்னதாக, அக்டோபர் 10 ஆம் தேதி இப்படம் வெளியாகும் எனத் தகவல் வெளியாகியிருந்த நிலையில், அதனை உறுதிப்படுத்தும் விதமாக தயாரிப்பு நிறுவனம் அக்.10 ஆம் தேதி வேட்டையன் திரைக்கு வரும் என அறிவித்துள்ளது.
அதேநாளில் நடிகர் சூர்யாவின் கங்குவா திரைப்படமும் வெளியாகவுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.