டோவினோ தாமஸின் ஏஆர்எம் டிரைலர்!

நடிகர் டோவினோ தாமஸ் நடிப்பில் உருவான ஏஆர்எம் திரைப்படத்தின் டிரைலர் வெளியாகியுள்ளது.

தமிழில் மாரி - 2 படத்தின் மூலம் அறிமுகமானவர் டோவினோ தாமஸ். மலையாளத்தில் 2012 முதலே நடிக்க ஆரம்பித்தவர் என்னு நிண்டே மொய்தீன், மாயநதி, தீவண்டி, எண்ட உம்மாண்டே பேரு, மின்னல் முரளி, தள்ளுமாலா என பல நல்ல படங்களில் நடித்துள்ளார். 

இறுதியாக இவர் நடித்த நடிகர் திரைப்படம் தோல்விப்படமானது.

தற்போது, ஜிதின் லால் இயக்கத்தில் ஏஆர்எம் திரைப்படத்தில் நடித்து முடித்துள்ளார். இதில், மூன்று தோற்றங்களில் டோவினோ வருகிறார். முக்கிய கதாபாத்திரத்தில் நடிகை ஐஸ்வர்யா ராஜேஷ், கீர்த்தி ஷெட்டி உள்ளிட்டோர் நடித்துள்ளனர்.

தற்போது, பான் இந்திய திரைப்படமாக உருவாகி வரும் இப்படத்தின் டிரைலர் வெளியாகி ரசிகர்களிடம் கவனம் பெற்று வருகிறது.