ஷங்கர் இயக்கத்தில் பாய்ஸ் படத்தின் மூலம் தமிழ் சினிமாவுக்கு அறிமுகமானவர் நடிகர் பரத். பின்னர் காதல், வெயில், பழனி போன்ற படங்களில் நடித்து கவனம் பெற்றார்.
தனது 50ஆவது படமாக மலையாளத்தில் வெளியான லவ் எனும் படத்தினை அதே பெயரில் ரீமேக் செய்து நடித்தார். கடைசியாக இவரது நடிப்பில் வெளியான இப்போதைக்கு காதல் ஆஹா தமிழில் வெளியானது.
2019இல் காளிதாஸ் என்ற படத்தில் நடித்திருந்தார். ஸ்ரீ செந்தில் இயக்கிய இந்தப்படம் நல்ல வரவேற்பினை பெற்றது. தற்போது இதன் இரண்டாம் பாகத்தில் நடிக்கிறார். இதற்கான பூஜை சமீபத்தில் நடைபெற்றது. இதன் பூஜை விடியோ வெளியாகியுள்ளது.
இந்த விழாவில் நடிகர் சிவகார்த்திகேயன் பங்கேற்றார். இந்தப் படத்தினை ஸ்கை பிக்சர்ஸ் தயாரிக்கிறது. சாம் சிஎஸ் இசையமைக்கிறார்.
இதில் பேசிய சிவகார்த்திகேயன், “வெற்றிப் பெற்ற படத்தின் இரண்டாம் பாகம். படத்தின் கூட்டணி வலுவாக அமைந்துள்ளது. இதன் வெளியீட்டாளர் எனக்கு முதலில் இருந்தே நல்ல பழக்கம். படம் வெற்றி பெற வாழ்த்துகள்” எனக் கூறியிருந்தார்.
சிவகார்த்திகேயன் தற்போது முருகதாஸ் படத்தில் நடித்து வருகிறார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.