'ரசிகனிலிருந்து இயக்குநர் வரை..’: ஆதிக் ரவிச்சந்திரன் நெகிழ்ச்சி

மார்க் ஆண்டனியின் பெரிய வெற்றிக்குப் பின் இயக்குநர் ஆதிக் ரவிச்சந்திரன் நடிகர் அஜித்தை வைத்து குட் பேட் அக்லி படத்தை இயக்கவுள்ளார்.

விடாமுயற்சி படப்பிடிப்பு முடிந்ததும் அஜித் இதில் இணைவார் என எதிர்பார்க்கப்பட்ட நிலையில், அடுத்த சில நாள்களில் குட் பேட் அக்லியின் படப்பிடிப்பு ஹைதராபாத்தில் துவங்கும் என தகவல் வெளியாகியுள்ளது.

இதனால், இரு படப்பிடிப்புகளில் அஜித் கலந்துகொள்வார் என்றே தெரிகிறது.

இந்த நிலையில், நடிகர் அஜித்தின் 53-வது பிறந்தநாளை முன்னிட்டு இன்று பல்வேறு திரைப்பிரலங்களும் அவருக்கு வாழ்த்து தெரிவித்து வருகின்றனர்.

அந்த வகையில், இயக்குநர் ஆதிக் ரவிச்சந்திரன், “என் சாருக்குப் பிறந்தநாள் வாழ்த்துகள். இந்தாண்டு சிறப்பாக அமைய வாழ்த்துகிறேன். அஜித் சாருடன் என் முதல் புகைப்படம். ரசிகனாக இருந்து இயக்குநர் வரை வந்திருப்பது வெளிப்படுத்த முடியாத உணர்வு. குட் பேட் அக்லிக்கு நன்றி சார்” என நெகிழ்ச்சியாகப் பதிவிட்டுள்ளார்.