கேம் சேஞ்சர் 3-வது பாடல் அறிவிப்பு!

கேம் சேஞ்சர் படத்தின் மூன்றாவது பாடல் குறித்து அறிவிப்பு வெளியாகியுள்ளது.

இயக்குநர் ஷங்கர் இயக்கத்தில் ராம் சரண் நடித்துள்ள கேம் சேஞ்சர் திரைப்படம் அரசியல் கதையாக உருவாகியுள்ளது. இந்தியன் - 2 படத்தின் தோல்வியால் கடும் விமர்சனங்களைச் சந்தித்த ஷங்கர் இப்படத்தில் அதன் குறைகளை நீக்கி முழுநீள பிரம்மாண்ட கமர்சியல் படமாக தயார்படுத்தி வருகிறார்.

எஸ். ஜே. சூர்யா, கியாரா அத்வானி மற்றும் சமுத்திரக்கனி உள்ளிட்டோர் முக்கிய கதாபாத்திரங்களில் நடித்துள்ளனர்.

இதையும் படிக்க: விடுதலை - 2 டிரைலர் தேதி!

முன்னதாக, தமன் இசையமைத்த கேம் சேஞ்சரின் 2 பாடல்கள் வெளியாகி ரசிகர்களிடம் கவனம் பெற்றிருந்தது. தொடர்ந்து, டீசர் வெளியாகி எதிர்பார்ப்பை ஏற்படுத்தியது.

இந்த நிலையில், படத்தின் மூன்றாவது பாடலை நவ.28 ஆம் தேதி வெளியிட உள்ளதை தயாரிப்பு நிறுவனம் அறிவித்துள்ளது. இப்படம் அடுத்தாண்டு ஜன.10 ஆம் தேதி உலகளவில் வெளியாகவுள்ளது.