விஷாலின் ரத்னம் அப்டேட்!

‘மார்க் ஆண்டனி’  வெற்றியைத் தொடர்ந்து விஷால் நடித்து வரும் படம் ரத்னம். இந்த படத்தை ஹரி இயக்கி வருகிறார். தாமிரபரணி, பூஜை படங்களுக்கு பிறகு இருவரும் இணையும் மூன்றாவது படம் இது. இதில் விஷால் ஜோடியாக பிரியா பவானி சங்கர் நடிக்கிறார். 

கௌதம் வாசுதேவ் மேனன், சமுத்திரக்கனி, யோகிபாபு உள்ளிட்டோரும் நடிக்கின்றனர். படத்துக்கு தேவி பிரசாத் இசையமைக்க சுகுமார் ஒளிப்பதிவு செய்கிறார். படத்தை ஜீ ஸ்டூடியோஸ் சவுத் மற்றும் ஸ்டோன்பெஞ்ச் ஃபிலிம்ஸ் நிறுவனங்கள் இணைந்து தயாரிக்கின்றன. 

இயக்குநர் ஹரிக்கே உரிதான ஆக்ஷன் பாணியில் படம் உருவாகி வருகிறது. இந்த நிலையில், இப்படத்தில் சிங்கிள் ஷாட் காட்சியில் 5 நிமிட சண்டைக்காட்சியைப் படமாக்க இயக்குநர் திட்டமிட்டுள்ளார். இதற்கான, அறிவிப்பு விடியோவைப் படக்குழு வெளியிட்டுள்ளது. இதில், சண்டைப் பயிற்சியாளர் கனல் கண்ணன் காட்சியமைப்பைக் குறித்து விஷாலிடம் பேகிறார். இந்த விடியோ, எதிர்பார்ப்பைத் தூண்டியுள்ளது.