டாக்ஸிக் புதிய அறிவிப்பு!

நடிகர் யஷ் நடிப்பில் உருவாகும் டாக்ஸிக் படத்தின் புதிய அறிவிப்பு வெளியாகியுள்ளது.

கேஜிஎஃப், கேஜிஎஃப் - 2 படங்களில் நடித்து இந்திய சினிமாவில் ஸ்டாரானவர் நடிகர் யஷ். உலகளவில் கவனம் ஈர்த்த இப்படம் ரூ.1000 கோடிக்கு அதிகமாக வசூலித்து சாதனை படைத்தது.

தொடர்ந்து, யஷ் மலையாள இயக்குநர் கீது மோகன்தாஸ் இயக்கத்தில் தன் அடுத்த படத்தில் நடிக்க ஒப்பந்தமானார்.

இதையும் படிக்க: தென்னாப்பிரிக்காவில் ராஜமௌலி - மகேஷ் பாபு படத்தின் படப்பிடிப்பு?

டாக்ஸிக் (Toxic) எனப் பெயரிட்டுள்ள இப்படம் 2025 ஆம் ஆண்டு ஏப்ரல் மாதத்தில் திரைக்கு வரும் என அறிவிக்கப்பட்டுள்ளது. கேவிஎன் புரோடக்‌ஷன்ஸ் தயாரிக்கிறது.

இந்த நிலையில், டாக்ஸிக் படத்தின் புதிய அறிவிப்பு நாளை மறுநாள் (ஜன.8) காலை 10.25 மணிக்கு வெளியாகும் என குறிப்பிட்டு போஸ்டர் ஒன்றைப் பகிர்ந்துள்ளனர்.

இந்த அறிவிப்பு படத்தின் வெளியீட்டுத் தேதியாக இருக்கலாம் என எதிர்பார்க்கப்படுகிறது.