செய்தி மடல்
இ-பேப்பர்
ரஜினிகாந்த் நடிப்பில் வெளியான லால் சலாம் படத்தின் ஓடிடி வெளியீடு குறித்த அதிகாரபூர்வ தகவல் வெளியாகியுள்ளது.
இயக்குநர் ஐஸ்வர்யா ரஜினிகாந்த் இயக்கத்தில் நடிகர்கள் ரஜினிகாந்த், விஷ்ணு விஷால், விக்ராந்த் இணைந்து நடித்து 2024 ஆம் ஆண்டு பிப்ரவரியில் வெளியான லால் சலாம் படம் ரசிகர்களிடையே கலவையான விமர்சனங்களையே பெற்று தோல்விப் படமானலும் சுமாரான வசூலைப் பெற்றது.
லைகா நிறுவனம் தயாரித்த இந்தப் படத்துக்கு ஏ.ஆர். ரகுமான் இசையமைத்து இருந்தார். முன்னாள் கிரிக்கெட் ஜாம்பவான் கபில்தேவ், லிவிங்ஸ்டன், கே.எஸ். ரவிக்குமார் மற்றும் தம்பி ராமையா உள்ளிட்டோர் துணை நடிகர்களாக நடித்திருந்தனர்.
இந்தப் படத்தின் ஓடிடி வெளியீடு தள்ளிப் போய்க் கொண்டிருந்த நிலையில், இப்படத்தின் இயக்குநர் இதன் ஹார்ட் டிஸ்க் காணாமல் போய்விட்டதாக பரபரப்பு தகவல் ஒன்றையும் வெளியிட்டிருந்தார்.
“படத்தின் தோல்வியை ஒப்புக்கொள்ள முடியாமல் ஹார்ட் டிஸ்க் காணாமல் போய்விட்டது என பொய் சொல்லக் கூடாது” என்றும் “தயாரிப்பாளர் பணம்தானே? உங்கள் பணமாக இருந்தால் இப்படி பொறுப்பில்லாமல் பதில் சொல்வீர்களா?” என்றும் ரசிகர்கள் கடுமையாக விமர்சங்களை முன்வைத்தனர்.
இந்த நிலையில், இந்தப் படத்துக்கான அதிகாரபூர்வ ஓடிடி அப்டேட் வெளியாகியுள்ளது. அதன்படி இப்படம் பக்ரீத் பண்டிகையை முன்னிட்டு ஜூன் 6 ஆம் தேதி சன் நெக்ஸ்ட் ஓடிடி தளத்தில் வெளியாகும் என அறிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
