ராமின் பறந்து போ டீசர் தேதி!

இயக்குநர் ராம் இயக்கிய பறந்து போ படத்தின் டீசர் தேதி அறிவிக்கப்பட்டுள்ளது.

கற்றது தமிழ், தரமணி, பேரன்பு போன்ற தமிழ் மக்களின் மனதில் நீங்கா இடத்தைப் பிடித்த திரைப்படங்களை இயக்கிய இயக்குநர் ராம் தற்போது நடிகர் மிர்ச்சி சிவாவின் நடிப்பில் ’பறந்து போ’ எனும் திரைப்படத்தை இயக்கியுள்ளார்.

பிடிவாதமான பள்ளி சிறுவனும் பணத்தின் மீது அதிக மோகம் கொண்ட அவனது தந்தையும் நகர வாழ்க்கையிலிருந்து விலகி மேற்கொள்ளும் பயணமாக இந்த திரைப்படம் உருவாகியுள்ளதாகக் கூறப்படுகிறது.

இப்படத்தில் நடிகை அஞ்சலி, கும்பளாங்கி நைட்ஸ் திரைப்பட நடிகை கிரேஸ் ஆண்டனி, நடிகர் அஜு வர்கீஸ், பாடகர் விஜய் ஜேசுதாஸ் மற்றும் மாஸ்டர் மிதூல் ரயான் உள்ளிட்டோர் நடித்துள்ளனர்.

சந்தோஷ் தயாநிதி இசையமைத்துள்ள இப்படம், வரும் ஜூலை 4 ஆம் தேதி திரையரங்குகளில் வெளியாகும் என அறிவிக்கப்பட்டது.

இந்த நிலையில், பறந்து போ படத்தின் டீசர் நாளை (ஜூன் 4) வெளியாகும் எனத் தயாரிப்பு நிறுவனம் தெரிவித்துள்ளது.

இதையும் படிக்க: ஜன நாயகன் படப்பிடிப்பை முடித்த விஜய்?