டிடி நெக்ஸ்ட் லெவல்: ஓடிடி வெளியீட்டுத் தேதி அறிவிப்பு!

டிடி நெக்ஸ்ட் லெவல் படத்தின் ஓடிடி வெளியீட்டுத் தேதி அதிகாரப்பூர்வமாக அறிவிக்கப்பட்டுள்ளது.

நடிகர் சந்தானம் டிடி ரிட்டன்ஸின் அடுத்த பாகமான டிடி நெக்ஸ்ட் லெவல் (DD next level) படம் கடந்த மே 16 ஆம் தேதி வெளியாகி கலவையான விமர்சனங்களைப் பெற்றது.

பிரேம் ஆனந்த இயக்கிய இப்படத்தில் சந்தானம், கௌதம் மேனன், செல்வராகவன், மாறன், மொட்டை ராஜேந்திரன் உள்ளிட்டோர் நடித்துள்ளனர்.

ஹாரர் காமெடி படமாக உருவாகியுள்ள இப்படத்தில் சந்தானம், மொட்டை ராஜேந்திரன் மற்றும் கௌதம் வாசுதேவ் மேனன் நடித்த காட்சிகள் ரசிகர்களிடையே நல்ல வரவேற்பைப் பெற்றன.

இந்த நிலையில், டிடி நெக்ஸ்ட் லெவல் படம் வரும் ஜூன் 13 ஆம் தேதி ஜீ5 ஓடிடி தளத்தில் வெளியாகும் என்று அதிகாரப்பூர்வமாக அறிவிக்கப்பட்டுள்ளது.