ஷேன் நிகமின் 25-வது பட பெயர் டீசர்!

பிரபல மலையாள நடிகர் ஷேன் நிகம் நாயகனாக நடித்துவரும் படத்தின் பெயர் டீசர் வெளியாகியுள்ளது.

பறவ, கும்பளாங்கி நைட்ஸ், இஷ்க் உள்ளிட்ட படங்களில் நடித்து பிரபலமானவர் நடிகர் ஷேன் நிகம். தற்போது, நாயகனாகவும் கவனம் பெற்று வருகிறார்.

தமிழில் மெட்ராஸ்காரன் படத்தின் மூலம் நாயகனாக அறிமுகமாகியிருந்தார். அப்படம் கலவையான விமர்சனங்களைப் பெற்றது.

இந்த நிலையில், ஷேன் நிகம் தன் 25-வது படத்தில் நடித்து வருகிறார். உன்னி சிவலிங்கம் இயக்கும் இப்படம் தமிழ், மலையாளத்தில் உருவாகி வருகிறது.

இப்படத்திற்கு ‘பல்டி’ எனப் பெயரிட்டுள்ளதாகத் தயாரிப்பு நிறுவனம் பெயர் டீசர் வெளியிட்டு அறிவித்துள்ளது. இதில், கபடி வீரராக ஷேன் நடித்திருக்கிறார். படம் ஓணம் வெளீடாகத் திரைக்கு வருகிறது.