மாமியார் பிரியா ராமன் பிறந்தநாளைக் கொண்டாடிய மருமகள் ஷபானா!

விஜய் தொலைக்காட்சியில் ஒளிபரப்பாகிவரும் குக் வித் கோமாளி நிகழ்ச்சியில், நடிகை பிரியா ராமனுக்கு பிறந்தநாள் கொண்டாடப்பட்டது.

இதில், பிரியா ராமனுக்கு சின்ன திரை நடிகை ஷபானா நெகிழ்ச்சியுடன் பிறந்தநாள் வாழ்த்து தெரிவித்தார். இது தொடர்பான விடியோவை சமூக வலைதளப் பக்கத்திலும் ஷபானா பகிர்ந்துள்ளார்.

இது குறித்து ஷபானா வெளியிட்டுள்ள பதிவில், ''எனக்கு மிகவும் நெருக்கமான நபருக்கு பிறந்தநாள் வாழ்த்துகள். மிகுந்த இரக்கம் கொண்டது நீங்கள் காட்டும் அன்பு. அது எதையும் எதிர்பார்க்காமல், அனைத்தையும் தருகிறது. கடினமான சூழல்களிலும் அது மாறாமல் இருக்கிறது. இதற்கு இறுதிக்காலம் வரை நன்றிக்கடன்பட்டுள்ளேன். அழகான ஆன்மாவுடைய உங்களை நாங்கள் கொண்டாடுகிறோம். நான் விரும்பும் அளவுக்கு புகழும் உங்களை விரும்புகிறான்'' எனப் பதிவிட்டு, நடிகர் புகழுடன் இருக்கும் விடியோவையும் பதிவிட்டுள்ளார்.

ஜீ தமிழ் தொலைக்காட்சியில் 5 ஆண்டுகளுக்கும் மேலாக ஒளிபரப்பாகி சாதனை படத்தை தொடர் செம்பருத்தி. இந்தத் தொடரில் மாமியாராக நடித்த பிரியா ராமனுக்கு நடிகை ஷபானா மருமகளாக நடித்திருந்தார். இந்தத் தொடர் ரசிகர்கள் மத்தியில் மிகுந்த வரவேற்பைப் பெற்று, ஜீ தமிழ் தொலைக்காட்சித் தொடர்களுக்கான டிஆர்பி பட்டியலிலும் முதலிடம் வகித்தது.

இந்நிலையில், பிரியா ராமன் - ஷபானா மீண்டும் குக் வித் கோமாளி நிகழ்ச்சியில் பங்கேற்றுள்ளனர். சமையல் நிகழ்ச்சியில் பங்கேற்றுள்ள பிரியா ராமனுக்கு, குக் வித் கோமாளி நிகழ்ச்சியில் உற்சாகமாக பிறந்தநாள் கொண்டாடப்பட்டது.

இதில், பிரியா ராமன் குறித்து ஷபானா பகிர்ந்த கருத்துகள் பலரை நெகிழ்ச்சிக்குள்ளாக்கியது. மாமியாருக்கு மருமகள் பிறந்தநாள் கொண்டாடியுள்ளதாக ரசிகர்கள் பலர் கருத்துகளைப் பதிவிட்டு வருகின்றனர்.

இதையும் படிக்க | கடந்த காலத்துக்கு நன்றி! பிறந்த நாளில் சின்ன திரை நடிகை ஷோபனா கருத்து!