இயக்குநர் வெற்றி மாறன் நடிகர் சிலம்பரசன் கூட்டணியில் உருவாகும் திரைப்படத்தின் புரோமோ விடியோ 10 லட்சம் பார்வைகளைக் கடந்துள்ளது.
இயக்குநர் வெற்றி மாறன் வடசென்னை திரைப்படத்தின் காலகட்டத்தைத் தொட்டு புதிய திரைப்படத்தை இயக்கி வருகிறார். கலைப்புலி தாணுவின் வி கிரியேஷன்ஸ் நிறுவனம் தயாரிக்கும் இப்படம் முழுக்க முழுக்க கேங்ஸ்டர் கதைக்களமாக உருவாகி வருகிறது.
இதில் நாயகனாக நடிகர் சிலம்பரசனும் முக்கிய கதாபாத்திரங்களில் வடசென்னை திரைப்படத்தில் நடித்தவர்களும் நடிக்கின்றனர்.
அண்மையில், இப்படத்தின் புரோமோ பெரிய எதிர்பார்ப்புகளுக்கு இடையே வெளியானது. சிம்பு நடந்து வருவது போன்ற காட்சி இப்படம் வடசென்னை திரைப்படத்தை மையப்படுத்தி உருவாகி வருவதை உறுதி செய்துள்ளது.
இந்த நிலையில், யூடுயூபில் இதுவரை இப்படத்தின் புரோமோ டீசர் 14 லட்சம் (1.4 மில்லியன்) பார்வைகளை பெற்றுள்ளது. எதிர்பார்த்த பார்வைகளைப் பெறவில்லை என்றாலும் அடுத்தடுத்த அப்டேட்கள் படத்தின் மீதான ஆவலை அதிகரிக்கலாம்.
நடிகர் சிலம்பரசனுக்கு தக் லைஃப் தோல்விப் படமாக அமைந்ததால் இப்படத்திற்காக அவரது ரசிகர்கள் காத்திருக்கின்றனர்.
இதையும் படிக்க: ஆச்சரியப்படுத்தும் லோகா வசூல்!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.