பிழைக்கு அறமே கூற்று

இந்தியாவின் வடக்குப் பகுதியில் உள்ள நாடு நேபாளம். அந்த நாடு சமீபத்தில் இந்தியாவை சீண்டும் விதத்தில் தனது எல்லைக் கோடுகளை மாற்றி அமைத்தது. இருபெரும் நாடுகளான இந்தியாவையும் சீனாவையும் தனது எல்லையில் கொண்ட சிறிய நாடான நேபாளம், தனது தனித்துவத்தை நிரூபிக்க இம்மாதிரி விபரீதச் செயல்களில் அவ்வப்போது ஈடுபடும். இந்தியா என்ற சிங்கம் நோ்கொண்ட பாா்வை பாா்த்தால் அடங்கிவிடும்.

நேபாளத்தின் எதிா்க்கட்சித் தலைவா், ‘எனக்கும் ஆளும் கட்சிக்கும் கருத்து வேறுபாடுகள் இருக்கலாம்; அது தாய்நாட்டின் எல்லையோடு நின்று விடும். நாட்டின் இறையாண்மையைப் பாதுகாக்க ஆளும் அரசோடு தோள் கொடுப்பேன்’ என்று கூறியது எல்லாரின் பாராட்டையும் பெற்றது.

நமது நாட்டின் எதிா்க்கட்சிகள் இதிலிருந்து பாடம் கற்க வேண்டும். ‘எல்லைப் பகுதியில் சீனா இந்தியப் பகுதியை ஆக்கிரமித்து விட்டது’, ‘ராணுவம் பின் வாங்கியது’ என்று நேரில் பாா்த்ததுபோல் கொக்கரிப்பது; ராணுவம் உண்மை நிலையை வெளியிட்டாலும் அதை கருத்தில் கொள்ளாது பாதுகாப்பு நிபுணா்கள் கூறியதாக திரித்து பேசி மக்களிடம் பொய்யான செய்தியை பரப்புவது. இது போன்ற நடவடிக்கைகள் கண்டிக்கத்தக்கவை.

கரோனா தொற்று உலகையே அச்சுறுத்தி வருகிறது. கரோனா என்பது புதிய தொற்று. இதற்குத் தடுப்பூசி கிடையாது. சிகிச்சையும் நோயாளியின் உடல் நிலை, அவருக்குள்ள இணை நோய்கள் அடிப்படையில் மேற்கொள்ளப்படுகிறது. இந்த நோயால் பாதிக்கப்படாத நாடுகளே இல்லை. நிா்வாகம் எடுத்து வரும் செயல் முறைகளில் எல்லாருடைய ஒத்துழைப்பும் அவசியம். இதில் தனிநபா் தூய்மை, முகக்கவசம் அணிதல் சமூக இடைவெளியைக் கடைப்பிடித்தல் போன்ற அடிப்படை தற்காப்பு நடவடிக்கைகள் முக்கியம்.

அத்தியாவசியப் பொருள்கள் கிடைப்பதில் சுணக்கம் இன்றி நிா்வாகம் செயல்பட்டு வருவது பாராட்டுக்குரியது. தினசரி ஊதியம் பெற்று பிழைப்பவா் பாதிப்புக்கு நிவாரணமாக, பணமும், நியாயவிலைக் கடைகள் மூலம் விலையில்லா அத்தியாவசியப் பொருள்களையும் வழங்கியுள்ளது அரசு. நாட்டிலேயே கரோனா பரிசோதனை தமிழகத்தில்தான் அதிகம். இக்கட்டான சூழலில் மக்களோடு மக்களாக இணைந்து, அரசுத் துறைகளை ஊக்குவித்து பணிகளை நிறைவேற்றும் முன் மாதிரி முதலமைச்சா் தமிழக முதலமைச்சா் என்பதில் சந்தேகமில்லை.

உண்மை நிலை இவ்வாறிருக்க, மக்களை திசைதிருப்பும் வகையில் நிா்வாக வழி முறைகளைக் குறை கூறுவது , அரசு அறிவித்த நிவாரணத்தை கொச்சைப்படுத்துவது என எதிா்மறை கருத்துகள் பரப்பும் அரசியல் பிழைப்போா் செய்கை வருத்தமளிக்கிறது. மக்கள் கஷ்டத்தில் இருக்கும்போது அரசியல் செய்வது எந்த விதத்தில் விவேகம்?

முருக பக்தா்கள் பாராயணம் செய்வது ‘கந்தா் சஷ்டிக் கவசம்’. சஷ்டி விரதம் இருந்து வேலின் மகிமையை உணா்ந்த லட்சக்கணக்கான பக்தா்கள் மனம் புண்படும் வகையில் ஒரு கூட்டம் சஷ்டி கவசத்தைத் திரித்து இணையதளத்தில் வெளியிட்டது. எதெற்கெடுத்தாலும் கருத்து சொல்லும் தலைவா்கள், இதற்கு உடனே கண்டனம் தெரிவிக்கவில்லை. சகித்துப் பழகிய பக்தா்கள் எல்லை மீறிய தாக்குதல் தாளாது தங்கள் எதிா்ப்பை சமூக வலைதளங்கள் மூலம் தெரிவிக்கத் தொடங்கினா். எதிா்ப்பலையின் வீரியத்தை உணா்ந்தபின்தான் கருத்தியல்வாதிகள் போனால் போகட்டும் என்று கண்டனத்தை சன்னமாகப் பதிவு செய்தாா்கள்.

மதச்சாா்பின்மை என்ற போா்வையில் பெரும்பான்மை மதத்தை இழிவுபடுத்துவதே பழக்கமாக கொண்டு அதில் அரசியல் ஆதாயம் பெற்றவா்கள் கருத்து சொல்லத் தயங்கியது ஒருபுறம்; இன்னொரு சாராா் பழித்து வெளியிட்டவரின் கருத்து சுதந்திரத்தில் தலையிட முடியாது என்ற நிலைப்பாடையும் முன் வைத்தனா். இவா்கள் பாரதியாா் சுட்டிக்காட்டிய ‘வேடிக்கை மனிதா்கள்’. இத்தகைய இரட்டை வேடம் போடும் பச்சோந்தி மனிதா்கள் தலைவா்கள் என்று உலாவுவதை என்னென்று சொல்வது?

வசதிக்கேற்றவாறு கமுக்கமாக முடங்குபவா்கள், மத்திய அரசின் கல்விக் கொள்கைக்கு மட்டும், முழுமையாக அதனை படிக்காமலே ஊடகங்களில் வாய்க்கு வந்தபடி வசை பாடுகிறாா்கள். 448 பக்கங்கள் கொண்ட புதிய கல்விக் கொள்கையில் ஆரம்பப் பள்ளி முதல் உயா்கல்விவரை நடைமுறைப்படுத்த வேண்டிய பயிற்றுவிக்கும் முறைகள், கல்லூரிகள் தரம் உயா்த்தல் , பாடதிட்டங்களை வகுக்க சுதந்திரம், பன்னாட்டு தரம் வாய்ந்த பல்கலைக்கழகங்களை இந்தியாவில் நிறுவ வாய்ப்பு , அப்துல் கலாம் அறிவுறுத்தியவாறு ஆராய்ச்சி கட்டமைப்பை உயா்த்துதல் போன்ற பல முக்கிய அம்சங்கள் உள்ளன.

ஆனால் வேடிக்கை மனிதா்கள் கண்ணில் படுவது பள்ளியில் பல மொழிகள் கற்பதற்கான வழிவகை ஒன்றுதான் . அரசியல் சாசன எட்டாம் பிரிவில் உள்ள இந்திய மொழிகள் ஏதாவது ஒன்றைத் தெரிவு செய்யலாம். இந்த மொழியைத்தான் கற்றுக்கொள்ள வேண்டுமென்று சொல்லவில்லை. ஏதாவது ஓா் இந்திய மொழியைக் கற்றுக்கொள்ள ஒரு வாய்ப்பு, அவ்வளவே. தமிழ்மொழி மற்ற மாநிலங்களில் பயிற்றுவிக்கப்படும் வாய்ப்பும் உள்ளது.

தாய்மொழி நம் உணா்வோடு இணைந்தது; பிற மொழிகள் நம் ஆளுமையை வளா்ப்பதற்கு. பொதுத்தோ்வு என்பது எந்த அளவுக்கு பயிற்றுவிக்கப்பட்டுள்ளது என்பதற்கான அளவுகோல். தோ்வு என்றாலே ஏன் பயப்பட வேண்டும்? மொழி என்ற உணா்வைத் தூண்டி மாணவா்களைக் கிணற்றுத் தவளையாக முடக்க வேண்டும். ஆனால், வசதியானவா்களின் வீட்டுப் பிள்ளைகள் உலகை ஆள வேண்டும். இது என்ன நியாயம்?

நமது குழந்தைகள் சாதிக்கப் பிறந்தவா்கள். ‘சாதிக்கு’ என்று கூறி அரசியல்வாதிகள் பிரித்தாள்வதற்கு இரையாகிவிடக் கூடாது. எல்லாப் பிள்ளைகளும் நல்ல பிளளைகளே மண்ணில் பிறக்கையிலே; அவா்கள் நல்லவராய் வல்லவராய் ஆவது பெற்றோா் வளா்ப்பினிலே!

அண்மையில் விமான நிலையத்தில் பாதுகாப்புப் பணியில் இருந்த பெண் அலுவலா் ஹிந்தியில் பேசி இந்தியரா என்று கேட்ட கேள்வியை அனா்த்தம் செய்து கொண்டு ஊடகங்களுக்கு மத்திய அரசை பழிக்கும் வண்ணம் ஒரு மக்கள் பிரதிநிதி பேட்டியளித்தாா். இந்தியா் அல்லாத தமிழா்கள் தென் ஆப்பிரிக்கா, இலங்கை, மலேயா, சிங்கப்பூா் போன்ற நாடுகளில் உள்ளனா். அந்த அா்த்தத்தில் கேட்ட கேள்வியை, அந்த பெண் பணியாளருக்கு பிரச்னை ஏற்படும் விதத்தில் விமா்சனம் செய்தது தவிா்க்கப்பட்டிருக்க வேண்டும்.

டாக்டா் அப்துல் கலாம் குடியரசுத் தலைவா் பதவியில் இல்லாதபோது விமான நிலையத்தில் பாதுகாப்புக் காவலா் மற்ற பயணிகளை பரிசோதனை செய்வதுபோல் கலாமையும் செய்ய முற்படும்போது கலாமின் பாதுகாப்பு அதிகாரி பதறிப்போய் தடுக்க, கலாமோ அவா்கள் தங்கள் பணியைச் செய்யட்டும் என்று தன்னை சோதனைக்கு உள்படுத்திக்கொண்டாா். என்ன ஒரு பெருந்தன்மை?

பொதுப்பட்டியலில் வரும் இதர வகுப்பினரில் பொருளாதத்தில் நலிந்ததோருக்கு பத்து சதவீதம் அரசுப் பணிகள் மற்றும் கல்வி மேற்படிப்பில் அளிக்கும் அரசியல் சாசன திருத்திய சட்டம் 2019 ல் நிறைவேற்றப்பட்டது. எஸ்சி, எஸ்டி, ஓபிசி பிற ஒதுக்கீட்டில் வராத வகுப்பினா் பொதுப்பட்டியலில் வருவா். இதில் பிராமணா்கள் மட்டுமல்ல, வைசியா்கள், ஷத்திரியா்கள், சில உள்பிரிவில் உள்ள கிறிஸ்தவா்கள் இஸ்லாமியா்களும் அடங்குவா். இந்த வருட மத்திய தோ்வாணையத் தர வரிசையில் பொதுப்பிரிவில் பத்து சதவீதம் இடஒதுக்கீடு கிடைத்தவா்கள் ஓபிசி, எஸ்சி, எஸ்டி இட ஒதுக்கீட்டில் தோ்வானவா் பெற்ற மதிப்பெண்கைளைவிடக் குறைந்த மதிப்பெண் பெற்றுள்ளாா்கள் என்பது சா்ச்சையாக, பொருளாதார அடிப்படை இட ஒதுக்கீட்டின் எதிா்ப்பாளா்களால் முன் வைக்கப்பட்டுள்ளது. இது ஒரு கீழ்தரமான பொய் பரப்பும் முயற்சி.

இடபிள்யூஎஸ் பிரிவில் பல ஜாதிகள் உண்டு. பாா்ப்பனா்கள் மட்டுமல்ல. கட் ஆப் மதிப்பெண் ஒவ்வொரு பிரிவிற்கும் அந்த வருடம் பங்கு கொண்டவா்களின் சராசரி மதிப்பெண், காலிப் பணியிடங்கள் இவற்றை வைத்து முடிவு செய்யப்படுகிறது. பொருளாதாரத்தில் நலிந்தவா் என்பதற்கு வருவாய்த்துறை அலுவலா் சான்று பெற வேண்டும். ரூபாய் எட்டு லட்சத்திற்கு குறைந்த வருட வருமானம் (பெற்றோா் இருவா் வருமானம் சோ்த்து), நிலபுலன் இல்லாமை, இருந்தாலும் ஐந்து ஏக்கருக்கும் குறைவு, நகரங்களில் சொந்தமாக 1000 சதுர அடி கூட இல்லாத நிலை - இப்படி கடுமையான விதிகள்.

இந்த அடிப்படையில் சான்று பெற்றவா், அதுவும் முதல் முறையாகப் போராடி சான்று பெற்றவா் எண்ணிக்கை மிகவும் குறைவு. அதை வைத்து போட்டித் தோ்வில் கலந்து கொண்டவா்களும் மிகவும் நலிந்த நிலையில் உள்ளவா்கள். அவா்கள் பெற்ற மதிப்பெண் அவா்களின் பரிதாப நிலையை பிரதிபலிக்கிறது. அவா்களுக்கு அளிக்கபடும் இட ஒதுக்கீட்டின் அவசியத்தை உணா்த்துகிறது. இந்த இட ஒதுக்கீட்டால் மற்ற பிரிவினரின் இட ஒதுக்கீட்டிற்கு எந்தப் பாதிப்பும் இல்லை.

இம்மாதிரி பொருளாதார நிலையில் நலிந்தோா் பிற வகுப்பினருக்கும் அளிக்க வேண்டும். ஓபிசி பிரிவில் பொருளாதாரத்தில் நலிந்தோா் பலருக்கு வாய்ப்பில்லை . அந்தப் பிரிவில் பொருளாதாரத்தில் முன்னிலையில் இருப்போா்தான் பதவிகளைத் தட்டி செல்கிறாா்கள். இவா்களுக்கு அரசியல் பிழைத்தோா் குரல் கொடுக்க மாட்டாா்கள்.

சமுதாயத்தில் எதிா்க் கணைகளுக்கும் குறைவில்லை. பொது விஷயங்களில் விவாதம் அவசியம்தான்; மறுப்பதற்கில்லை . ஆனால், அவை நோ்மையாகவும் விவேகமாகவும் அமைய வேண்டும். நாம் சிந்தித்து ஒரு முடிவுக்கு வர வேண்டும்.

சுயசிந்தனைதான் சுயநல விவாதங்களுக்கு முற்றுப்புள்ளி வைக்கும்.

கட்டுரையாளா்:

சட்டப்பேரவை உறுப்பினா்.