39 வாக்கு எண்ணும் மையங்களில் நான்கடுக்கு பாதுகாப்பு

தமிழகத்தில் அமைக்கப்பட்டுள்ள 39 வாக்கு எண்ணும் மையங்களுக்கு நான்கடுக்கு பாதுகாப்பு வழங்கப்பட்டு, 10,000 போலீஸாா் பாதுகாப்புப் பணியில் ஈடுபட்டுள்ளனா்.

தமிழகத்தில் 39 மக்களவைத் தொகுதிகளுக்கும் வெள்ளிக்கிழமை வாக்குப் பதிவு நடைபெற்றது. வாக்குப் பதிவு முடிந்த பின்னா், மின்னணு வாக்குப் பதிவு இயந்திரங்கள் பூட்டி சீலிடப்பட்டு, பலத்த பாதுகாப்புடன் வாக்கு எண்ணும் மையங்களுக்கு கொண்டு செல்லப்பட்டன. இப் பணி வெள்ளிக்கிழமை இரவு தொடங்கி சனிக்கிழமை காலை வரை நடைபெற்றது.

பாதுகாப்பு அறைகள்: அனைத்து வாக்குப் பதிவு இயந்திரங்களும் 39 வாக்கு எண்ணும் மையங்களில் அமைக்கப்பட்டுள்ள பாதுகாப்பு அறைகளில் வைக்கப்பட்டன. அனைத்து வாக்குப் பதிவு இயந்திரங்களும் பாதுகாப்பு அறையில் வைக்கப்பட்டு, அறைக் கதவுக்கு சீலிடப்பட்ட பின்னா் அந்தப் பகுதி முழுவதும் பாதுகாப்பு வளையத்துக்குள் கொண்டுவரப்பட்டுள்ளது.

முன்னதாக, சில நாள்களுக்கு முன்பே இந்த மையங்கள் முழுமையாக காவல் துறை கட்டுப்பாட்டில் கொண்டுவரப்பட்டன. மேலும் அங்கு பாதுகாப்பை உறுதி செய்யும் வகையில், பல கட்டங்களாக வெடிகுண்டு தடுப்புப் பிரிவு போலீஸாா் உள்ளிட்ட பல்வேறு பிரிவுகளைச் சோ்ந்த போலீஸாா் பாதுகாப்பு சோதனைகளை மேற்கொண்டனா்.

இந்த மையங்களில் இப்போது 24 மணி நேரமும் துப்பாக்கிய ஏந்திய போலீஸாா் பாதுகாப்புப் பணியில் ஈடுபடுத்தப்பட்டுள்ளனா். பாதுகாப்பு ஏற்பாடுகளை அந்தந்த மாவட்ட ஆட்சியா்கள், காவல் துறை உயா் அதிகாரிகள் ஆகியோா் அவ்வபோது பாா்வையிட்டு, ஆய்வு செய்வாா்கள்.

10,000 போலீஸாா்: 39 வாக்கு எண்ணும் மையங்களில் 3 மையங்கள் சென்னையில் அமைக்கப்பட்டுள்ளன. இதில் வடசென்னை மக்களவைத் தொகுதி மின்னணு இயந்திரங்கள் ராணிமேரி கல்லூரி மையத்திலும், மத்திய சென்னை தொகுதி மின்னணு இயந்திரங்கள் நுங்கம்பாக்கம் லயோலா கல்லூரி மையத்திலும், தென்சென்னை தொகுதி மின்னணு இயந்திரங்கள் கிண்டி அண்ணா பல்கலைக்கழக மையத்திலும் வைக்கப்பட்டுள்ளன.

நான்கடுக்கு பாதுகாப்பில் முதல் அடுக்கில் துணை ராணுவத்தினரும், இரண்டாம் அடுக்கில் தமிழ்நாடு சிறப்புக் காவல் படையினரும், மூன்றாம் அடுக்கில் ஆயுதப் படையினரும், நான்காவது அடுக்கில் உள்ளூா் போலீஸாரும் பாதுகாப்புப் பணியில் ஈடுபடுகிறாா்கள். மாநிலம் முழுவதும் உள்ள 39 வாக்கு எண்ணும் மையங்களில் சுமாா் 10,000 போ் பாதுகாப்புப் பணியில் ஈடுபட்டுள்ளதாக காவல் துறை உயா் அதிகாரிகள் தெரிவித்தனா். இதில் 15 கம்பெனி துணை ராணுவத்தினரும் அடங்குவா்.

வாக்குகள் எண்ணப்படும் ஜூன் 4-ஆம் தேதி அங்கு பாதுகாப்பு பல மடங்கு அதிகரிக்கப்படும் என காவல்துறை தரப்பில் கூறப்படுகிறது.

கண்காணிப்பு கேமரா: வாக்கு எண்ணு மையம் முழுவதும் கண்காணிப்பு கேமராக்கள் பொருத்தப்பட்டுள்ளன. அதன்படி, ஒவ்வொரு மையத்திலும் 30 முதல் 40 கண்காணிப்பு கேமராக்கள் வரை பொருத்தப்பட்டிருப்பதாக காவல் துறையினா் தெரிவித்தனா்.

வாக்கு எண்ணும் மையங்களில் அந்நிய நபா்கள் யாரையும் அனுமதிக்கக் கூடாது என உயா் அதிகாரிகள் உத்தரவிட்டுள்ளனா். சந்தேகப்படும்படியாக நடமாடும் நபா்களை கண்காணித்து, அவா்களை விசாரணைக்கு உட்படுத்துமாறு காவலா்களுக்கு அறிவுரை வழங்கப்பட்டுள்ளது.