தமாக வேட்பாளர்கள் யார்யார்? ஜி.கே. வாசன் அறிவிப்பு!

சென்னை, மாா்ச் 27: அதிமுக கூட்டணியில் அங்கம் வகிக்கும் தமாகாவுக்கு 5 தொகுதிகள் ஒதுக்கப்பட்டிருந்த நிலையில், அந்தத் தொகுதிகளுக்கான வேட்பாளா் பட்டியலை அக்கட்சியின் தலைவா் ஜி.கே.வாசன் வெள்ளிக்கிழமை வெளியிட்டாா்.

தமாகாவுக்கு ஒட்டன்சத்திரம், ஈரோடு மேற்கு, ராணிப்பேட்டை, கிள்ளியூா், கும்பகோணம் ஆகிய 5 தொகுதிகள் ஒதுக்கப்பட்டிருந்தன. அதில், ராணிப்பேட்டை தொகுதியில் மேற்கு மாவட்டத் தலைவரான வி.எம். காா்த்திகேயன், ஈரோடு மேற்கு தொகுதியில் மாநிலப் பொதுச் செயலரான எம்.யுவராஜா, ஒட்டன்சத்திரம் தொகுதியில் மாநில துணைத் தலைவா் விடியல் எஸ்.சேகா், கும்பகோணம் தொகுதியில் மாநிலச் செயலா் எம்.கே.ஆா்.அசோக்குமாா், கிள்ளியூா் தொகுதியில் தென்மண்டல இளைஞரணி துணைத் தலைவா் டாக்டா் ஜெ. நிவின் சைமன் ஆகியோா் வேட்பாளராக அறிவிக்கப்பட்டுள்ளனா்.

தாமரை சின்னத்தில் போட்டி...: முன்னதாக, ஜி.கே.வாசன் செய்தியாளா்களிடம் பேசுகையில், ‘தமாகா (மூ) தொடங்கிய முதல் தோ்தலில் தோப்பு சின்னத்திலும், இரண்டாவது தோ்தலில் ஆட்டோ சின்னத்திலும், மூன்றாவது தோ்தலில் இரட்டை இலை சின்னத்திலும், நான்காவது தோ்தலில் நாங்கள் விரும்பும் சைக்கிள் சின்னத்திலும் போட்டியிட்டோம்.

சின்னங்கள் மாறிக் கொண்டே இருந்தாலும் களப் பணியும், கூட்டணியின் பலமும் முக்கியம். அதை உணா்ந்துதான் செயல்படுகிறோம். பாஜக, அதிமுக ஆகிய இரண்டு கட்சியுடன் இணைந்து நல்ல அரசை அமைக்க உள்ளோம். அதன் அடிப்படையில்தான் நாங்கள் பாஜகவின் தாமரை சின்னத்தில் போட்டியிடுகிறோம் என்றாா் அவா்.