மதுரை நகைக் கடை கொள்ளை: நிஷாந்துக்கு டிச. 1 வரை நீதிமன்றக் காவல்!நவ. 18, 19-ல் சென்னை, திருவள்ளூர், செங்கல்பட்டு மாவட்டங்களுக்கு ஆரஞ்ச் எச்சரிக்கை92,000 விவசாயிகள், ஆசிரியா்கள் மீதான வழக்குகள் ரத்துகோவா சா்வதேச திரைப்பட விழாவில் பாரதிராஜா, பாக்யராஜ் திரைப்படங்கள்உணவுப் பொருள் விலை அதிகரிப்பு எதிரொலி: கேரளத்தில் ஹோட்டல் தொழில் பாதிப்பு

போடியில் துணை முதல்வர் ஓ.பன்னீர்செல்வம் வேட்புமனுத் தாக்கல்

தேனி மாவட்டம், போடிநாயக்கனூர் சட்டப் பேரவை தேர்தலில் அதிமுக சார்பில் போட்டியிடுவதற்கு வெள்ளிக்கிழமை, துணை முதல்வர் ஓ.பன்னீர்செல்வம் வேட்புமனுத் தாக்கல் செய்தார்.

போடியில் துணை முதல்வர் ஓ.பன்னீர்செல்வம் வேட்புமனுத் தாக்கல்

Updated On :

தேனி மாவட்டம், போடிநாயக்கனூர் சட்டப் பேரவை தேர்தலில் அதிமுக சார்பில் போட்டியிடுவதற்கு வெள்ளிக்கிழமை, துணை முதல்வர் ஓ.பன்னீர்செல்வம் வேட்புமனுத் தாக்கல் செய்தார்.

பெரியகுளம் அருகே கைலாசநாதர் கோயில், போடி சாலை மாரியம்மன் கோயில் ஆகியவற்றில் சுவாமி தரிசனம் செய்த ஓ.பன்னீர்செல்வம், அங்கிருந்து கட்சி நிர்வாகிகள் மற்றும் தொண்டர்களுடன் ஊர்வலமாகச் சென்று போடி வட்டாட்சியர் அலுவலக்திற்கு ஊர்வலமாகச் சென்று, தேர்தல் நடத்தும் அலுவலர் விஜயாவிடம் வேட்பு மனுவை தாக்கல் செய்தார்.

தேனி மக்களவை உறுப்பினர் ப.ரவீந்திரநாத், போடி நகர அதிமுக செயலர் வி.ஆர்.பழனிராஜ்,  போடி ஒன்றிய அதிமுக செயலர் சற்குணம் ஆகியோர் உடனிருந்தனர்.

பின்னர் செய்தியாளர்களிடம் ஓ.பன்னீர்செல்வம் கூறியது: போடி சட்டப்பேரவை தொகுதியில் கடந்த 2011-ல் முதல் முறையாக போட்டியிட்ட போது மக்கள் பெருவாரியான வாக்குகளை அளித்து வெற்றியை தந்தனர். அந்தத் தேர்தலில் நான் சொன்ன வாக்குறுதிகள் அரசாணைகள் மூலம் நிறைவேற்றப்பட்டுள்ளது. உள்ளாட்சி அமைப்புகள் மூலம் மக்களின் அடிப்படை தேவைகளை அறிந்து, அவர்களது மனம் நிறைவடையும் வகையில் நிறைவேற்றியுள்ளேன்.

போடி தொகுதி சார்பில் 2 முறை சட்டப் பேரவை உறுப்பினராக தேர்வு செய்யப்பட்ட நான், தொகுதி மக்களுக்கு முழுமையாக பணியாற்றியுள்ளேன். தற்போது மக்கள் சேவையை மட்டுமே குறிக்கோளாக கொண்டு களத்தில் நிறுத்தப்பட்டுள்ளேன். மக்கள் ஆதரவு தருவார்கள் என்ற நம்பிக்கை உள்ளது. கடந்த 10 ஆண்டு கால ஆட்சியின் சாதனைகள் விளைவாக, அதிமுக அனைத்து தொகுதிகளிலும் வெற்றி பெறும் என்றார் அவர்.

போடி வட்டாட்சியர் அலுவலகத்தில் தேர்தல் நடத்தும் அலுவலர் விஜயாவிடம் வேட்பு மனு தாக்கல் செய்யும் துணை முதல்வர் ஓ.பன்னீர்செல்வம்.
 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.