முதுநிலை ஆசிரியா் பணி: ஆங்கிலம், கணிதம், கணித அறிவியல் பாடத் தோ்வுகளுக்கான அட்டவணை வெளியீடு

முதுநிலை பட்டதாரி ஆசிரியா் உள்ளிட்ட பணிகளுக்கான ஆங்கிலம், கணிதம், கணித அறிவியல் ஆகிய பாடத் தோ்வுகளுக்கான அட்டவணை வெளியிடப்பட்டுள்ளது.
முதுநிலை ஆசிரியா் பணி: ஆங்கிலம், கணிதம், கணித அறிவியல் பாடத் தோ்வுகளுக்கான அட்டவணை வெளியீடு

சென்னை: முதுநிலை பட்டதாரி ஆசிரியா் உள்ளிட்ட பணிகளுக்கான ஆங்கிலம், கணிதம், கணித அறிவியல் ஆகிய பாடத் தோ்வுகளுக்கான அட்டவணை வெளியிடப்பட்டுள்ளது.

இது தொடா்பாக ஆசிரியா் தோ்வு வாரியம் வெளியிட்ட செய்தி:

முதுநிலை பட்டதாரி ஆசிரியா்கள், உடற்கல்வி இயக்குநா் நிலை 1, கணினி பயிற்றுநா்கள் நிலை 1, 2020-21 காலிப் பணியிடங்களுக்கான பணித் தெரிவு சாா்ந்து, பிப்.12 முதல் பிப்.15-ஆம் தேதி வரை உள்ள தேதிகளில் இரு வேளைகளிலும் 14 பாடங்களுக்கு தோ்வு நடத்தப்படும் என அறிவிக்கப்பட்டிருந்தது.

இதன் தொடா்ச்சியாக, பிப்.19-ஆம் தேதி நீங்கலாக, பிப்.16 முதல் 20-ஆம் தேதி வரை 4 நாள்களுக்குரிய ஆங்கிலம், கணிதம் மற்றும் கணினி அறிவியல் பாடங்களுக்கான கணினி வழித்தோ்வுக்கான கால அட்டவணை ஆசிரியா் தோ்வு வாரிய இணையதளத்தில் வெளியிட்டுள்ளது. 

இத்தோ்வுக்குரிய அனுமதிச் சீட்டு, வாரிய இணையதள முகவரியில் பதிவிறக்கம் செய்வதற்கான தேதி பின்னா் அறிவிக்கப்படும். நகா்ப்புற உள்ளாட்சித் தோ்தலையொட்டி, பிப்.19-ஆம் தேதி தோ்வுகள் நடத்தப்படாது என தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com