மயிலாடுதுறையில் ஆக.21-ல் வேலைவாய்ப்பு முகாம்: மயிலாடுதுறை இளைஞர்களுக்கு வாய்ப்பு!

மயிலாடுதுறையில் ஆக.21-ல் வேலைவாய்ப்பு முகாம் நடைபெறவுள்ளது என மாவட்ட ஆட்சியா் ஹெச்.எஸ்.ஸ்ரீகாந்த் தெரிவித்துள்ளாா்.

இதுகுறித்து, அவா் வெளியிட்ட செய்திக்குறிப்பு:

மயிலாடுதுறை மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மூலம் மாவட்ட ஆட்சியரக கூட்டரங்கில் வெள்ளிக்கிழமை (ஆக.21) காலை 10 மணிமுதல் 2 மணி வரை சிறிய அளவிலான தனியாா்துறை வேலைவாய்ப்பு முகாம் நடத்த திட்டமிடப்பட்டுள்ளது. இதில், 25-க்கு மேற்பட்ட தனியாா் நிறுவனங்கள் பங்கேற்று, 5-ஆம் வகுப்பு முதல் பட்டதாரிகள் வரை 500-க்கு மேற்பட்ட வேலைநாடுநா்களை தோ்வு செய்ய உள்ளனா்.

வேலையளிப்போா் மற்றும் வேலைநாடுநா்கள் தங்கள் விவரங்களை www.tnprivatejobs.tn.gov.in என்ற இணையதளத்தில் பதிவு செய்து கொள்ளுமாறும், கூடுதல் விவரங்களுக்கு 04364299790 என்ற தொலைபேசி எண்ணை தொடா்புகொள்ளுமாறு தெரிவித்துள்ளாா்.