நீர்வழிப் போக்குவரத்தை மேம்படுத்த வேண்டும்: கட்கரி

சாலை, ரயில் போக்குவரத்துகளை விட நீர்வழிப் போக்குவரத்துக் கட்டணங்கள் குறைவானது என்பதால், நீர்வழிப் போக்குவரத்தை மேம்படுத்த வேண்டும் என்று மத்திய நெடுஞ்சாலை, கப்பல் போக்குவரத்துத் துறை அமைச்சர் நிதின் கட்கரி வலியுறுத்தியுள்ளார்.

இதுகுறித்து உத்தரப் பிரதேச மாநிலம், லக்னெளவில் சனிக்கிழமை நடைபெற்ற நிகழ்ச்சியில் அவர் பேசியதாவது:

நாடு முழுவதும் உள்ள 101 நதிகளில் நீர்வழிப் போக்குவரத்தைத் தொடங்குவ தற்கான மசோதா, நாடாளுமன்றத்தில் நிலுவையில் உள்ளது. அந்த மசோதா விரைவில் நிறைவேற்றப்பட்டு, இன்னும் ஐந்து மாதங்களுக்குள் பணி தொடங்கும். மற்ற போக்குவரத்துக்களை விட நீர்வழிப் போக்குவரத்தில் கட்டணங்கள் குறைவாகும். இந்த முறையால், மக்கள் ஆதாயமடைவார்கள்.

மேற்கு வங்கத்தின் ஹால்டியாவுக்கும், உத்தரப் பிரதேச மாநிலம், வாராணசிக்கும் இடையிலான 1,620 கி.மீ. தூரம் கொண்ட நீர்வழிப் போக்குவரத்து அடுத்த ஆண்டு தொடங்கும். மேலும், நீர் துறைமுகங்களும் அமைக்கப்பட்டு வருகின்றன என்றார் கட்கரி.