ஜெஎன்யு மாணவர்கள், பேராசிரியர்களை நக்ஸலைட்டுகள் என்று கூறும் சுப்ரமணியன் சுவாமி

சர்ச்சைக்குப் பெயர் போன பாஜக தலைவர் சுப்ரமணியன் சுவாமி, தற்போது ஜவகர்லால் நேரு பல்கலைக்கழகத்தின் மாணவர்கள், பேராசிரியர்கள் அனைவரும் நக்ஸலைட்டுகள் என்று கூறி புதிய சர்ச்சையில் சிக்கியுள்ளார்.

பாஜகவில் உள்ள சுப்ரமணியன் சுவாமிக்கு, ஜவகர்லால் நேரு பல்கலையின் துணை வேந்தர் பொறுப்பை வழங்கி கட்சித் தலைமை விரும்பியது.

ஆனால், அதனை ஏற்க விரும்பாத சுப்ரமணியன் சுவாமியிடம், இது பற்றி செய்தியாளர்கள் கேள்வி எழுப்பியதற்கு, பல்கலைக்கழகத்தின் பெயரை நேரு என்பதை மாற்றி சுபாஷ் சந்திரபோஸ் என வைக்க வேண்டும் என்று பரிந்துரைத்தார்.

அதற்கு அவர் ஒரு காரணத்தையும் கூறியுள்ளார், இந்தியாவின் முதல் பிரதமர் நேருவை விட நேதாஜி அதிகம் படித்தவர் என்றும் கூறியுள்ளார்.