முதல் முறையாக சட்டப்பேரவைத் தேர்தலில் நோட்டாவுக்கு தனிச் சின்னம் அறிமுகம்: நஜீம் ஜைதி

ஐந்து மாநிலங்களுக்கு நடைபெறும் சட்டப்பேரவைத் தேர்தலில் நோட்டாவுக்கு தனிச் சின்னம் அறிமுகம் செய்யப்பட உள்ளதாக தலைமைத் தேர்தல் ஆணையர் நஜீம் ஜைதி கூறியுள்ளார்.

தமிழகம் உள்ளிட்ட 5 மாநில சட்டப்பேரவைத் தேர்தல் குறித்த அறிவிப்பினை தலைமைத் தேர்தல் ஆணையர் நஜீம் ஜைதி அறிவிக்கிறார்.

புது தில்லியில் இன்று பத்திரிகையாளர்கள் மத்தியில் பேசி வரும் நஜீம் ஜைதி,

ஒட்டுமொத்தமாக 5 மாநில சட்டப்பேரவைத் தேர்தல்களில் மொத்தம் 17 கோடி வாக்காளர்கள் வாக்களிக்க உள்ளனர்.

மேற்கு வங்கம் 294 தொகுதிகளுக்கும், புதுச்சேரியில் 30 தொகுதிகளுக்கும், அசாமில் 126 தொகுதிகளுக்கும், தமிழகத்தில் 234 தொகுதிகளுக்கும் கேரளாவில் 140 தொகுதிகளுக்கும் தேர்தல் நடைபெற உள்ளது. இதில் 17 கோடி வாக்காளர்கள் வாக்களிக்க உள்ளனர்.

அனைத்து மாநிலங்களிலும் வாக்காளர்களின் எண்ணிக்கையை பொறுத்து வாக்குச்சாவடிகளின் எண்ணிக்கை அதிகரிக்கு.

அசாமில், சுமார் 25,000 வாக்குச்சாவடிகளும், கேரளாவில் 21,000 வாக்குச்சாவடிகளும், தமிழ்நாட்டில் 65,000 வாக்குச்சாவடிகளும், மேற்குவங்கத்தில் 77,000 வாக்குச்சாவடிகளும், புதுச்சேரியில் 913 வாக்குச்சாவடிகளும் அமைக்கப்பட உள்ளன.