பெண்கள், குழந்தைகளுக்கு எதிரான குற்றங்களில் தமிழகம் முதலிடம்: அண்ணாமலைமேற்காசிய பதற்றம்: சர்வதேச நோயாளிகள் வருகை 30% சரிவு!மேற்கு வங்கத்தில் கூட்டணியின்றி போட்டி! 291 வேட்பாளர்களை அறிவித்தார் மமதா பானர்ஜி!கேரள தேர்தல்: ஐ.யூ.எம்.எல். 27 இடங்களில் போட்டி - வேட்பாளர்கள் அறிவிப்பு!கேரள தேர்தல்: ஐ.யூ.எம்.எல். 27 இடங்களில் போட்டி - வேட்பாளர்கள் அறிவிப்பு!விசில் சத்தம்தான் நம் தேசிய கீதம்; அது கேட்டால் வெற்றி நிச்சயம் - ஓ. பன்னீர் செல்வம் உடல் எடை குறைப்பு சிகிச்சை: மேலும் 3 மருந்துகளுக்கு அனுமதி!கரூர் கூட்ட நெரிசல் பலி விவகாரம் : செந்தில் பாலாஜியிடம் 6 மணி நேரம் சிபிஐ விசாரணை!தொகுதிப் பங்கீடு: திமுக - மார்க்சிஸ்ட் கம்யூ. 3-ம் சுற்றுப் பேச்சுவார்த்தை! தமிழக தேர்தல்: 2 நாள்களில் ரூ. 23 கோடி பணம், பரிசுப் பொருள்கள் பறிமுதல்!பாமக வழக்கு: ராமதாஸுக்கு பின்னடைவு! தேர்தல் முடிந்தபிறகே விசாரணை!புதுச்சேரியில் 2-ம் நாளாக யாரும் வேட்புமனு தாக்கல் செய்யவில்லைதமிழ்நாடு உள்பட 5 மாநிலங்களுக்கு 1,111 தேர்தல் பார்வையாளர்கள்!
/

மணிக்கு 200 கி.மீ. வரை செல்லக் கூடிய அதிவேக தேஜாஸ் ரயில்!

நாட்டிலேயே நவீன வசதிகளுடன் கூடிய மணிக்கு 200 கிலோ மீட்டர் வரை வேகத்துடன் செல்லக் கூடிய தேஜாஸ் ரயில், தனது முதல் பயணத்தை

News image
Updated On :23 மே 2017, 5:14 am

DIN

மும்பை: நாட்டிலேயே நவீன வசதிகளுடன் கூடிய மணிக்கு 200 கிலோ மீட்டர் வரை அதிவேகத்துடன் செல்லக் கூடிய தேஜாஸ் ரயில், தனது முதல் பயணத்தை மும்பையில் இருந்து கோவாவின் கர்மாலி வரை தொடங்கியது.

15 கோச் பெட்டிகள் கொண்ட ரயிலில் இரண்டு வகுப்புகள் நாற்காலி கார் மற்றும் நிர்வாக நாற்காலி கார் ஆகியவை அடங்கும். ரயில் முழுவதும் விமானத்தில் உள்ளது போல் இருக்கை, தானியங்கி கதவுகள், வைஃபை இணைய வசதி, சிசிடிவி கேமரா, எல்.இ.டி. திரையுடன் கூடிய தொலைக்காட்சி, தேயிலை-காபி வழங்கும் இயந்திரங்கள், உயர்தரமான கழிப்பறைகள் உள்ளிட்ட பல்வேறு நவீன வசதிகள் உள்ளன.

சுமார் 600 கிலோ மீட்டர் தொலைவை எட்டரை மணி நேரத்தில் கடக்கும் வகையில் 130 கிலோமீட்டர் வேகத்தில் தேஜாஸ் ரயில் இயக்கப்படும்.

தேஜாஸ் ரயிலின் வேகம் மணிக்கு 200 கிலோ மீட்டர் வரை அதிகரிக்கப்படும் என்று ரயில்வே நிர்வாகம் தெரிவித்துள்ளது.

தேஜாஸ் ரயிலில் செல்வது விமானத்தில் பறப்பது போன்று உள்ளதாகவும், மஞ்சள் வண்ணத்தில் ஜொலிக்கும் சொகுசு ரயிலில் செல்வது தனி அனுபவம் என பயணிகள் தெரிவித்துள்ளனர்.

முழுக்க முழுக்க ஏ.சி. வசதியுடன் கூடிய பெட்டிகளில் தீ தடுப்பு கருவிகள், தேநீர் எந்திரம் உள்ளிட்ட வசதிகளும் உள்ளன. உயர் வகுப்பு கட்டணமாக உணவுடன் இரண்டாயிரத்து 680 ரூபாயும், உணவில்லாமல் 2 ஆயிரத்து 525 ரூபாயும் நிர்ணயிக்கப்பட்டுள்ளது.

இதேபோல் சாதாரண கட்டணமாக உணவுடன் ஆயிரத்து 280 ரூபாயும், உணவில்லாமல் ஆயிரத்து 155 ரூபாயும் கட்டணமாக நிர்ணயிக்கப்பட்டுள்ளது.

சகாப்தி எக்ஸ்பிரஸ் ரயிலின் கட்டணத்தை விட 20 சதவீதம் அதிகம் என்றாலும் ரயிலில் உள்ள வசதிகள், சர்வதேச தரத்தில் உள்ளதாக பயணிகள் தெரிவித்துள்ளனர்.

பருவமழை மற்றும் பருவமழை அல்லாத பருவங்களில் ரயில் கட்டணங்களும் வேறுபடலாம்.

பருவமழை அல்லாத பருவத்தில் வாரத்திற்கு ஐந்து நாட்கள் மற்றும் மழைக்காலத்தில் ஒரு வாரத்தில் மூன்று நாட்கள் இயங்கும் எனவும் தெரிகிறது.

தேஜாஸ் ரயிலின் வேகம் மணிக்கு 200 கிலோ மீட்டர் வரை அதிகரிக்கப்படும் என்று ரயில்வே நிர்வாகம் தெரிவித்துள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.