இந்த ஆண்டின் ஏழாவது ராக்கெட் திட்டம்

ஜிசாட்-7ஏ செயற்கைகோளை சுமந்து செல்லும் ஜி.எஸ்.எல்.வி.-எப்11 ராக்கெட் திட்டம் இந்த ஆண்டு இஸ்ரோ சார்பில் ஸ்ரீஹரிகோட்டா சதீஷ் தவண் விண்வெளி மையத்தின் ஏவு தளங்களிலிருந்து அனுப்பப்படும் 7 ஆவது ராக்கெட் திட்டமாகும். 
2018 ஜனவரி 12 ஆம் தேதியன்று பி.எஸ்.எல்.வி.-சி40 ராக்கெட் மூலம் கார்டோசாட்-2 செயற்கைக்கோள் திட்டமும், மார்ச் 29 அன்று ஜி.எஸ்.எல்.வி.-எப்08 ராக்கெட் மூலம் ஜிசாட்-6ஏ செயற்கைக்கோள் திட்டமும், ஏப்ரல் 12 அன்று பி.எஸ்.எல்.வி.-சி4 ராக்கெட் மூலம் ஐ.ஆர்.என்.எஸ்.எஸ்.-11 செயற்கைக்கோள் திட்டமும், செப்டம்பர் 16 அன்று பி.எஸ்.எல்.வி.-சி42 ராக்கெட் திட்டமும், நவம்பர் 14 அன்று ஜி.எஸ்.எல்.வி. மார்க்3-டி2 ராக்கெட் மூலம் ஜிசாட்-29 செயற்கைக்கோள் திட்டமும், நவம்பர் 29 ஆம் தேதியன்று பி.எஸ்.எல்.வி.-சி43 ராக்கெட் மூலம் ஹைசிஸ் செயற்கைக்கோள் திட்டமும் இஸ்ரோ சார்பில் வெற்றிகரமாக செயல்படுத்தப்பட்டன.
இப்போது இந்த ஆண்டின் ஏழாவது மற்றும் கடைசி ராக்கெட் திட்டமாக ஜி.எஸ்.எல்.வி.-எப்11 ராக்கெட் மூலம் ஜிசாட்-7ஏ செயற்கைக்கோள் திட்டம் வெற்றிகரமாக செயல்படுத்தப்பட்டிருக்கிறது.
13 ஆவது ஜி.எஸ்.எல்.வி. ராக்கெட்: அதிக எடைகொண்ட செயற்கைக்கோள்களை தாங்கிச் செல்லும் இந்த ஜி.எஸ்.எல்.வி. ராக்கெட்டுகளைப் பொருத்தவரை இதுவரை 12 ராக்கெட்டுகள் அனுப்பப்பட்டன. இதில் 7 வெற்றிபெற்றன. 3 ராக்கெட்டுகள் தோல்வியிலும், இரண்டு பகுதி தோல்வியிலும் முடிந்தன. இப்போது அனுப்பப்பட்டது 13 ஆவது ஜி.எஸ்.எல்.வி. ராக்கெட்டாகும். இந்த ராக்கெட்டில் முழுவதும் உள்நாட்டில் தயாரிக்கப்பட்ட கிரையோஜெனிக் என்ஜின் பொருத்தப்பட்டுள்ளது. அந்த வகையில் கிரையோஜெனிக் என்ஜின் பொருத்தப்பட்ட 7 ஆவது ராக்கெட் ஜி.எஸ்.எல்.வி.-எப்11 என்பது குறிப்பிடத்தக்கது.