காங்கிரஸ் தலைவர் ராகுல், பிரதமர் நரேந்திர மோடி போன்று செவ்வாய்கிழமை நடைபெற்ற பொதுக்கூட்டத்தில் மிமிக்ரி செய்தார்.
மத்திய பிரதேச மாநிலத்தில் சட்டப்பேரவைத் தேர்தல் நடைபெறவுள்ளதை அடுத்து அங்கு ஆளும் பாஜக மற்றும் காங்கிரஸ் கட்சிகள் தீவிர பிரசாரத்தில் ஈடுபட்டு வருகின்றன. இதையடுத்து காங்கிரஸ் தலைவர் ராகுல் அங்கு 2 நாள் பிரசாரம் செய்து வருகிறார். அதில், ரஃபேல் போர் விமான ஒப்பந்தம், சரக்கு மற்றும் சேவை வரி உள்ளிட்டவை குறித்து கடுமையாக விமர்சித்து வருகிறார்.
இந்நிலையில், மத்திய பிரதேசத்தில் உள்ள மோரினா எனுமிடத்தில் நடைபெற்ற காங்கிரஸ் பொதுக்கூட்டத்தில் பேசிய அக்கட்சித் தலைவர் ராகுல், பிரதமர் நரேந்திர மோடி போன்று மிமிக்ரி செய்து பாஜக ஆட்சி குறித்து விமர்சித்தார்.