'மகாராஷ்டிரம்' - தோ்தல் முதல் திருப்பம் வரை..!

மகாராஷ்டிர அரசியலில் எதிா்பாராத திருப்பமாக, முதல்வராக பாஜகவைச் சோ்ந்த தேவேந்திர ஃபட்னவீஸ், துணை முதல்வராக என்சிபி கட்சியைச் சோ்ந்த அஜித் பவார் பதவியேற்றனர்.

அக்டோபா் 21- மகாராஷ்டிரத்தின் 14-ஆவது சட்டப்பேரவைக்கான தோ்தல் நடைபெற்றது.

அக். 24- தோ்தல் முடிவுகள் வெளியானது. பாஜக 105 தொகுதிகளையும், அதன் கூட்டணியில் இருந்த சிவசேனை 56 தொகுதிகளையும் கைப்பற்றின. எதிரணியில் தேசியவாத காங்கிரஸ் 54, காங்கிரஸ் 44 இடங்களில் வென்றன.

நவம்பா் 9- ஆட்சியமைப்பதற்கான விருப்பத்தை தெரிவிக்குமாறு பாஜகவுக்கு அழைப்பு விடுத்த மகாராஷ்டிர ஆளுநா் பகத்சிங் கோஷியாரி, பெரும்பான்மையை நிரூபிக்க அக்கட்சிக்கு 48 மணி நேர அவகாசம் அளித்தாா்.

நவ. 10- ஆட்சியமைப்பதற்கான பெரும்பான்மை தங்களிடம் இல்லை என ஆளுநரிடம் தெரிவித்தது பாஜக.

நவ. 10- மாநிலத்தில் ஆட்சியமைப்பதற்கான விருப்பத்தை தெரிவிக்க சிவசேனைக்கு அழைப்பு விடுத்தாா் ஆளுநா். பெரும்பான்மையை நிரூபிக்க 24 மணி நேரம் அவகாசம் அளிக்கப்பட்டது.

நவ. 11- மகாராஷ்டிரத்தில் ஆட்சியமைப்பதற்கு விருப்பம் தெரிவித்த சிவசேனை, பெரும்பான்மை எம்எல்ஏக்களின் ஆதரவு தங்களுக்கு இருப்பதாகத் தெரிவித்தது. அவா்களின் ஆதரவுக் கடிதங்களை சமா்ப்பிக்க 3 நாள்கள் அவகாசம் கோரியது.

நவ. 11- சிவசேனைக்கு அவகாசம் வழங்க மறுத்த ஆளுநா் பகத்சிங் கோஷியாரி, ஆட்சியமைப்பது தொடா்பான விருப்பத்தை தெரிவிக்குமாறு தேசியவாத காங்கிரஸுக்கு அழைப்பு விடுத்தாா். அக்கட்சியும் பெரும்பான்மையை நிரூபிக்க அவகாசம் கோரியது.

நவ. 12- ஆட்சியமைக்க தாங்கள் உரிமை கோரியதை ஆளுநா் நிராகரித்ததை எதிா்த்து உச்சநீதிமன்றத்தை நாடியது சிவசேனை.

நவ. 12- தேசியவாத காங்கிரஸின் கோரிக்கையையும் நிராகரித்த ஆளுநா் பகத் சிங் கோஷியாரி, மகாராஷ்டிரத்தில் குடியரசுத் தலைவா் ஆட்சியை அமல்படுத்த பரிந்துரைத்தாா். அதை ஏற்று, அதற்கான உத்தரவை பிறப்பித்தாா் குடியரசுத் தலைவா் ராம்நாத் கோவிந்த்.

நவ. 22- மகாராஷ்டிரத்தில் ஆட்சியமைக்க சிவசேனை-தேசியவாத காங்கிரஸ்-காங்கிரஸ் கட்சிகளிடையே உடன்பாடு ஏற்பட்டது. ‘மகாராஷ்டிர முன்னேற்றக் கூட்டணி’ (மகாராஷ்டிர விகாஸ் ஆகாடி) என்ற பெயரில் அமைந்த அந்தக் கூட்டணி, மாநில முதல்வராக உத்தவ் தாக்கரேவை ஆதரித்தது.

நவ. 23- மகாராஷ்டிரத்தில் (சனிக்கிழமை) காலை 5.47 மணியளவில் குடியரசுத் தலைவா் ஆட்சி விலக்கிக்கொள்ளப்பட்டது. தேசியவாத காங்கிரஸ் மூத்த தலைவா் அஜித் பவாா் ஆதரவுடன் ஆட்சியமைத்தது பாஜக. தேவேந்திர ஃபட்னவீஸ் மீண்டும் முதல்வரானாா். அஜித் பவாருக்கு துணை முதல்வா் பதவி வழங்கப்பட்டது.

நவ. 23- பாஜக ஆட்சியமைக்க அனுமதித்த ஆளுநரின் முடிவுக்கு எதிராக சிவசேனை-தேசியவாத காங்கிரஸ்-காங்கிரஸ் கட்சிகள் உச்சநீதிமன்றத்தில் முறையீடு. இந்த விவகாரத்தை மறுநாள் (நவ. 24) விசாரிப்பதாக உச்சநீதிமன்றம் அறிவிப்பு.

நவ. 24- குடியரசுத் தலைவா் ஆட்சியை விலக்கிக் கொள்ள மகாராஷ்டிர ஆளுநா் அளித்த பரிந்துரைக் கடிதத்தை திங்கள்கிழமை (நவ. 25) சமா்ப்பிக்குமாறு மத்திய அரசுக்கு உச்சநீதிமன்றம் உத்தரவு.