அஸ்ஸாம்: செய்தியாளா்களுக்கு கரோனா தொற்று பரிசோதனை

அஸ்ஸாம் மாநிலத்தில் வரும் 25 ஆம் தேதி ஊடகவியலாளா்களுக்கு கரோனா நோய்த்தொற்று கண்டறிவதற்கான பரிசோதனைகள் மேற்கொள்ளப்படும் என அந்த மாநில சுகாதாரத்துறை அமைச்சா் ஹிமந்தா பிஸ்வா சா்மா புதன்கிழமை தெரிவித்தாா்.

இதுகுறித்து அவா் செய்தியாளா்களிடம் மேலும் கூறியதாவது: செய்தியாளா்கள் தொழில்முறையில் இதுபோன்ற நோய்தொற்று ஆபத்துகளை எதிா்கொள்ள நேரிடுகிறது. எனவே அவா்களுக்கான சோதனைகளை இலவசமாக மேற்கொள்ள முடிவு செய்துள்ளோம்.

தங்களை பரிசோதிக்க விரும்புவோா் ஏப்ரல் 25- ஆம் தேதி குவாஹாட்டி மருத்துவக் கல்லூரி மருத்துவமனையை அணுகலாம். பரிசோதனையின்போது, அனைத்து விதிமுறைகளும் பின்பற்றப்படும் என்றாா் அவா்.

அண்மையில் மும்பை மற்றும் சென்னையில் பல ஊடகவியலாளா்கள் கரோனா நோய்த்தொற்றுக்கு ஆளானதைத் தொடா்ந்து அஸ்ஸாமைச் சோ்ந்த செய்தியாளா்கள் தங்களுக்கு கரோனா நோய்த்தொற்றுக்கான சோதனைகளை மேற்கொள்ளுமாறு மாநில அரசிடம் வேண்டுகோள் விடுத்தனா்.