பணியாளர்கள் ஜீன்ஸ் அணியத் தடை: ஏர் இந்தியா கட்டுப்பாடு

ஏர் இந்தியா நிறுவனம் தனது பணியாளர்களுக்கு ஆடைக் கட்டுப்பாட்டுகள் குறித்த அறிவிப்பை வெளியிட்டுள்ளது.

அதன்படி பணிப்பகுதிகளில் சுகாதாரமற்ற உடைகளை உடுத்த தடை விதிக்கப்பட்டுள்ளது. பணி நேரத்தில் அலுவலகங்களில் டீ சர்ட் மற்றும் கிழிந்த ஜீன்ஸ் போன்ற உடைகளை உடுத்தக் கூடாது என தெரிவித்துள்ள ஏர் இந்தியா கண்ணியக்குறைவான உடைகளை தவிர்க்குமாறு அறிவுறுத்தியுள்ளது.

துணிகள் நன்கு சலவை செய்யப்பட்டதாகவும், சுத்தமானதாகவும் இருக்க வேண்டும் அந்த சுற்றறிக்கையில் தெரிவிக்கப்பட்டுள்ளது. 

மேலும் அனைத்து ஊழியர்களும் தனிப்பட்ட சுகாதாரத்தை பராமரிக்க வேண்டும் எனவும் விதிகளை மீறினால் உரிய நடவடிக்கை மேற்கொள்ளப்படும் எனவும் ஏர் இந்தியா எச்சரித்துள்ளது.