ஜம்மு-காஷ்மீர்: ராணுவம் சார்பில் இலவச மருத்துவ முகாம்

ஜம்மு-காஷ்மீரில் மக்கள் நலன் கருதி ராணுவம் சார்பில் இலவச மருத்துவ முகாம் நடைபெற்றது. இதில் பொதுமக்கள் 1,400 பேர் கலந்துகொண்டு பலனடைந்தனர்.

மேலும் வீட்டு வளர்ப்பு விலங்குகளை பராமரிக்கும் வகையில், கால்நடை மருத்துவ முகாமும் நடத்தப்பட்டது. 

ஜம்மு-காஷ்மீரின் சத்ரு மற்றும் ஷெர்க்வாரி பகுதி குடியிருப்புவாசிகள் சார்பில் ராணுவ மருத்துவ முகாமிற்கு ஏற்பாடு செய்யப்பட்டது.

இன்று (சனிக்கிழமை) காலை முதல் நடைபெற்ற இந்த முகாமில், 1422 நோயாளிகளும், 235 குழந்தைகளும் பலன் பெற்றதாக தகவல் தெரிவிக்கப்பட்டுள்ளது.

இதேபோன்று கால்நடை மருத்துவ முகாமிற்கும் ஏற்பாடு செய்யப்பட்டது. இதில் 276 வீட்டு வளர்ப்பு விலங்குகளுக்கு பரிசோதனை செய்யப்பட்டன.

மேலும் மருந்துகளும், கரோனா தடுப்பு உபகரணங்களும் ராணுவம் சார்பில் இலவசமாக வழங்கப்பட்டன.