/

ஜம்மு-காஷ்மீர் இறுதிக் கட்ட டிடிசி தேர்தல்: 2 மணி நேரத்தில் 8.93% வாக்குப்பதிவு

ஜம்மு-காஷ்மீரில் இன்று இறுதி கட்ட மாவட்ட வளர்ச்சிக் கவுன்சில் நடைபெறுகிறது. இதில் கடைசி இரண்டு மணி நேரத்தில் பல மாவட்டங்களில்  இருந்தும் 8.93 சதவீத வாக்குகளைப்  பதிவு செய்துள்ளன. 

News image
ஜம்மு-காஷ்மீர் வளர்ச்சிக் கவுன்சில் தேர்தல்
Updated On :27 ஜனவரி 2024, 6:09 pm

DIN

ஜம்மு-காஷ்மீரில் இன்று இறுதி கட்ட மாவட்ட வளர்ச்சிக் கவுன்சில் கடைசி முதல் 2 மணி நேரத்தில் பல மாவட்டங்களில் 8.93 சதவீத வாக்குகளைப்  பதிவு செய்துள்ளன. 

காலை 7 மணிக்கு வாக்குப்பதிவு தொடங்கியதிலிருந்து, காஷ்மீர் பிரிவில் அனந்த்நாக் மிகக் குறைந்த வாக்குப்பதிவைப் பதிவு செய்துள்ளதாகவும், ஜம்முவில் சம்பாவில் அதிக வாக்குப்பதிவு காணப்பட்டதாகவும் அதிகாரிகள் தெரிவித்தனர்.

காஷ்மீர் பிரிவில் மாநில தேர்தல் ஆணையர் அலுவலகம் அளித்த புள்ளிவிவரங்களின்படி, 

புல்வாமாவில் 1.38%, பாரமுல்லா 8.62 %, குல்கம் 1.36%, ஷோபியன் 1.03%, அனந்த்நாக் 0.62 %, பந்திபோரா 12.94 %, காலை 9 மணி வரை குப்வாராவில் 11.52 சதவீதமும், புட்கம் 6.55 சதவீதமும் பதிவாகியுள்ளன. 

இதேபோல், ஜம்மு பிரிவில் கிஷ்த்வார் 12.88%, உதம்பூர் 8.30 %, ஜம்மு 8.51%, கத்துவா 13.42 %, ரம்பன் 10.01 %, தோடா 8.95%, சம்பா 17.91 %, பூஞ்ச் ​​14.86%, ராஜோரி ஒரே நேரத்தில் 15.94 சதவீதமும், ரியாசி 17.17 சதவீதமும் பதிவாகியுள்ளன. 

காஷ்மீர் பிரிவு ஒட்டுமொத்த வாக்குப்பதிவு சதவீதம் 5.54 ஆகவும், ஜம்மு பிரிவில் முதல் இரண்டு மணி நேரத்தில் 12.43 சதவீதமாகவும் பதிவாகியுள்ளது.

டி.டி.சி தேர்தலின் கடைசிக் கட்டத்தில் காஷ்மீர் பிரிவில் 1,028, ஜம்மு பிரிவில் 675 என மொத்தம் 1,703 வாக்குச்சாவடிகள் அமைக்கப்பட்டுள்ளன.  வாக்கு எண்ணிக்கை டிசம்பர் 22 அன்று நடைபெறும் என்பது குறிப்பிடத்தக்கது. 
 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.