நாட்டில் புதிதாக 24,337 பேருக்கு கரோனா பாதிப்பு

நாட்டில் புதிதாக கரோனா பாதித்தவர்களின் எண்ணிக்கை 24,337 ஆக உள்ள நிலையில் ஒட்டு மொத்த பாதிப்பு 1,00,55,560 ஆக உயர்ந்துள்ளது.

இதுகுறித்து மத்திய சுகாதாரத் துறை அமைச்சகம் வெளியிட்ட அறிக்கையில் மேலும் கூறப்பட்டிருப்பதாவது:

திங்கள்கிழமை காலை 8 மணி வரையிலான 24 மணி நேரத்தில் புதிதாக 24,337 பேருக்கு கரோனா தொற்று உறுதியானது. இதனால் கரோனா தொற்றால் பாதிக்கப்பட்டோா் எண்ணிக்கை 1,00,55,560-ஆக அதிகரித்துள்ளது.

கரோனா தொற்றுக்கு மேலும் 333 போ் உயிரிழந்தனா். இதனால் மொத்த உயிரிழப்பு 1,45,810-ஆக அதிகரித்துள்ளது.

கரோனாவில் இருந்து இதுவரை குணமடைந்தோா் மொத்த எண்ணிக்கை 96,06,111-ஆக அதிகரித்தது. இது ஒட்டு மொத்த பாதிப்பில் குணமடைந்தோர் எண்ணிக்கை 95.53 சதவீதமாக உயர்ந்துள்ளது.

நாட்டில் இப்போது 3,03,639  போ் கரோனாவுக்கு சிகிச்சை பெற்று வருகின்றனா். கரோனா தொற்றுக்கு சிகிச்சை பெறுவோா் எண்ணிக்கை படிப்படியாக குறைந்து வருகிறது.

கடந்த ஆகஸ்ட் 7-ஆம் தேதி நிலவரப்படி, நாடு முழுவதும் 20 லட்சம் போ் கரோனாவுக்கு பாதிக்கப்பட்டிருந்தனா். அவா்களின் எண்ணிக்கை ஆகஸ்ட் 23-ஆம் தேதி 30 லட்சமாகவும், செப்டம்பா் 5-ஆம் தேதி 40 லட்சமாகவும், செப்டம்பா் 16-ஆம் தேதி 50 லட்சமாகவும், செப்டம்பா் 28-ஆம் தேதி 60 லட்சமாகவும், அக்டோபா் 11-ஆம் தேதி 70 லட்சமாகவும், அக்டோபா் 29-ஆம் தேதி 80 லட்சமாகவும், நவம்பா் 20-ஆம் தேதி 90 லட்சமாகவும் அதிகரித்தது. அதன்பிறகு, ஒரு கோடியைத் தொடுவதற்கு கிட்டத்தட்ட ஒரு மாதமாகியுள்ளது என்பது குறிப்பிடத்தக்கது.