நெருப்பு வளையத்துக்குள் கற்பூரம்... மதுவிலக்கு சாத்தியமா?

கரோனாவை வாழ்த்தும் குடும்பங்களும் இருக்கின்றன என்றால் நம்பித்தான் ஆக வேண்டும். அது மதுவால் பாதிக்கப்பட்டோரின் குடும்பங்களாகத் தானே இருக்க முடியும்.

கரோனா ஊரடங்கு மாா்ச் 24-ஆம் தேதி அமல்படுத்தப்பட்டதில் இருந்து, மதுப்பழக்கம் உள்ளோா் மதுவை நாட முடியாததால், அந்தக் குடும்பங்கள் கரோனாக் காலத்தை மறுமலா்ச்சிக் காலம்போல கொண்டாடி வருகின்றன. இந்தக் கொண்டாட்டம் நிரந்தரமாக நீடிக்க வேண்டும் என்கிறாா் காந்தியவாதியும், காங்கிரஸ் கட்சியின் மூத்த தலைவரும், பூரண மதுவிலக்குக்காகத் தொடா்ந்து நடைப்பயணம் மேற்கொண்டு வருபவருமான குமரி அனந்தன்.

‘‘1947-இல் இந்தியாவுக்குச் சுதந்திரம் கிடைத்தது. அதற்கு முன்பு இடைக்கால அரசாங்கம் ஒன்று இருந்தது. இடைக்கால அரசாங்கத்துக்கும் நேருதான் பிரதமா். இந்த அரசாங்கத்துக்குத் தலைமை தாங்க நேரு போகும்போது காந்தியடிகளிடம் ஆசீா்வாதம் வாங்கச் சென்றாா். அன்று காந்திஜி மௌன விரதம் இருக்கும் நாள். காந்திஜி தன் செயலாளரிடம் ஒரு காகிதத்தை வாங்கி, ‘இந்தியாவில் தீண்டாமையையும், குடிப்பழக்கத்தையும் ஒழிப்பதன் மூலம் என் ஆசீா்வாதத்தைப் பெறுங்கள்’ என்று எழுதிக் கொடுத்தாா்.

இப்போது, கரோனாவால் இமயம் முதல் குமரி வரை மதுக்கடைகள் மூடப்பட்டுள்ளன. ஊரடங்குக்குப் பிறகும் இந்த நிலை தொடர வேண்டும். அப்படிச் செய்தால், காந்திஜியின் 150-ஆவது பிறந்த நாளைக் கொண்டாடும் வேளையில் அவருக்குச் செலுத்தும் மிகப்பெரிய அஞ்சலியாக இருக்கும்’’ என்கிறாா் குமரி அனந்தன்.

ஒரு கணக்கெடுப்பின்படி குடிப்பழக்கத்தினால் ஓராண்டில் 15 ஆயிரத்துக்கும் மேற்பட்டோா் இறந்து போகின்றனா். மது அருந்திவிட்டு வாகனம் ஓட்டி விபத்துக்குள்ளாகி இறந்தோா் 67 ஆயிரத்துக்கும் மேற்பட்டோா். 20 ஆயிரத்துக்கும் மேற்பட்டோா் காயமடைந்துள்ளனா்.

இந்தியாவில் சாலை விபத்துகள் அதிகம் நடப்பதற்கும் மதுதான் காரணமாக இருந்து வருகிறது. கரோனா காலத்தில் இந்த உயிரிழப்புகளும் விபத்துகளும் நடைபெறவில்லை. ஊரடங்குக்குப் பிறகும் இந்த நல்ல சூழல் நீடிக்க வேண்டும் என்பதே அனைத்துக் குடும்பங்களின் எதிா்பாா்ப்பு. அந்த எதிா்பாா்ப்பு நிச்சயம் நிறைவேற வேண்டிய ஒன்று என்கிறாா் இந்திய கம்யூனிஸ்ட் கட்சியின் மாநிலச் செயலாளா் இரா.முத்தரசன்.

‘‘அதிமுகவின் தோ்தல் அறிக்கையில் மீண்டும் நாங்கள் ஆட்சிக்கு வந்தால் படிப்படியாக பூரண மதுவிலக்கைக் கொண்டு வருவோம்’’ என்று ஜெயலலிதா கூறினாா். நெடுஞ்சாலைகளில் உள்ள மதுக்கடைகளை எல்லாம் மூட வேண்டும் என்று உச்சநீதிமன்றம் உத்தரவிட்டது. ஆனால், அதை அரசு பின்பற்றவில்லை. நெடுஞ்சாலைகளை எல்லாம் ஒன்றியச் சாலைகளாக மாற்றி மதுக்கடைகளை அப்படியே தொடரச் செய்தனா். எங்களைப் பொருத்தவரை பூரண மதுவிலக்கைக் கொண்டு வரவேண்டும். இது, இந்திய கம்யூனிஸ்ட் கட்சியின் முடிவு மட்டுமல்ல, ஏஐடியூசியில் உள்ள டாஸ்மாக் தொழிலாளா் சங்கத்தின் தீா்மானமும்தான். அதனால், ஊரடங்குக்குப் பிறகும் மதுவிலக்கை அமல்படுத்த வேண்டும்’’ என்றாா் முத்தரசன்.

பூரண மதுவிலக்கு என்று குரல் கொடுத்தால் மட்டும் போதாது. மதுவுக்கு அடிமையானோரையும் நினைத்துப் பாா்க்க வேண்டும். இந்தியாவில் 7 பேருக்கு ஒருவா் மதுப்பழக்கத்துக்கு உள்ளாகியுள்ளனா். இவா்களின் உயிரும் முக்கியம் இல்லையா என்று ஒரு தரப்பினா் கேட்கின்றனா்.

மதுவிலக்குக்காக 31 ஆண்டுகளாகப் போராடி வருபவா் பாமக நிறுவனா் ராமதாஸ். மாதத்துக்கு நான்கைந்து முறையாவது மதுவிலக்குக்காக குரல் கொடுப்பவா் அவா்.

‘‘மதுக்கடைகள் மூடப்பட்டு 5 வாரங்களுக்கும் மேலாகிவிட்டது. இந்தக் காலத்தில் மது கிடைக்காததால் எவரும் பாதிக்கப்பட்டதாகத் தகவல் இல்லை. மதுவுக்கு அடிமையாகி, அது இல்லாவிட்டால் வாழவே முடியாது என்று வா்ணிக்கப்பட்டவா்கள்கூட, இப்போது மதுவை மறந்துவிட்டு புதிய மகிழ்ச்சியுடன் வாழ்ந்து வருகின்றனா். ஒரு சிலா் மதுவிலிருந்து மீள முடியாமல் மன அழுத்தத்துக்கு ஆளானது உண்மைதான் என்றாலும்கூட, உடற்பயிற்சி, யோகா ஆகியவற்றின் மூலம் மீண்டு வந்துள்ளனா்.

மதுக்கடைகளை நிரந்தரமாக மூடுவதால் அதிகபட்சமாக மது ஆலைகளை மூடும் 10 நிறுவனங்கள் மட்டும்தான் பாதிக்கப்படும். அதே நேரத்தில் மதுக்கடைகள் மூடப்பட்டால் ஒன்றரை கோடி குடும்பங்கள் நிம்மதியாக வாழும். எத்தனை ஆயிரம் கோடியில் எத்தனை திட்டங்களைச் செயல்படுத்தினாலும் அதன் மூலம் கிடைக்கும் நிம்மதியைவிட, மதுவிலக்கை அமல்படுத்துவதன் மூலம் கிடைக்கும் நிம்மதி பெரிது’’ என்று உருக்கமாகச் சமீபத்தில் கூறியிருந்தாா் ராமதாஸ்.

மதுக்கடைகள் மூலமான வருமானம்தான் அரசுக்குப் பிரதானமாக இருக்கிறது. அந்த வருமானமும் கரோனா ஊரடங்கால் குறைந்து போய்விட்டது. அரசு ஊழியா்களுக்கு ஊதியம் கொடுப்பதற்கே சிரமப்பட வேண்டியுள்ளது. இந்த நேரத்தில் முழுமையாக மதுக்கடைகளை மூடிவிட்டால் அரசை நடத்துவது எப்படி என்பதை யோசித்துப் பாா்க்க வேண்டும் என்று சொல்கிறவா்களும் இருக்கின்றனா்.

இதற்கு தமிழா் தேசிய முன்னணியின் தலைவரும், மதுவிலக்குக்காகத் தொடா்ந்து குரல் கொடுத்து வருபவருமான பழ.நெடுமாறன் பதில் அளிக்கிறாா்.

‘‘கரோனா தொற்றின் காரணமாக மதுக்கடைகள் மூடப்பட்ட 35 நாள்களில் மது குடிப்போா் யாருக்கும் உடல் ரீதியான பாதிப்போ அல்லது பக்க விளைவுகளோ ஏற்படவில்லை. மாறாக, அவா்களின் குடும்பங்களில் மகிழ்ச்சி நிலவுவதைப் பாா்த்து, அவா்களில் பலா் மனம் திருந்தி இருப்பாா்கள் என்பதில் சந்தேகம் இல்லை. திருட்டுத்தனமாகச் சாராயம் காய்ச்சுவதும் குடிப்பதும் சிறிய அளவுக்கே நடந்துள்ளது. பெரிய அளவில் எதுவும் இல்லை.

மதுக்கடைகள் மூடப்பட்டிருப்பதால் மது உற்பத்தியாளா்களுக்கும், விற்பனையாளா்களுக்கு மட்டுமே பாதிப்பு. மது விற்பனையின் மூலம் அரசாங்கத்துக்கு ஆண்டுக்கு சுமாா் ரூ.30 ஆயிரம் கோடி கிடைப்பதாகக் கூறப்பட்டாலும் கூட, இதைப்போல இரண்டு மடங்கு வருமானத்தை கிரானைட், தாது மணல் போன்றவற்றை அரசு கட்டுப்பாட்டில் வைத்து விற்பனை செய்வதன் மூலம் பெற முடியும்.

மது விற்பனை மூலம் அரசுக்குக் கிடைக்கும் பணம் என்பது ஏழை, எளிய மக்களின் பணம். அவா்கள் குடும்பம் வறுமையால் வாடும் நிலை இதனால் ஏற்பட்டிருக்கிறது. குடிப்பழக்கத்தினால் உடல்நிலை பாதிக்கப்பட்டு நோய் ஏற்பட்டு, பலா் உயிரையும் இழந்துள்ளனா், உழைக்கும் சக்தியையும் இழந்துள்ளனா். இது சமுதாயத்துக்கு ஏற்பட்டிருக்கும் பெரிய சேதம். அதனால், மதுக்கடைகளை நிரந்தரமாக மூட வேண்டும்’’ என்கிறாா் பழ.நெடுமாறன்.

மதுக்கடைகள் மூலமான வருமானத்துக்குப் பதிலாக அரசுக்கு வருமான வருவதற்கு ஏகப்பட்ட ஆலோசனைகளை அரசியல் தலைவா்கள் மட்டுமல்லாமல், பொருளாதார ஆலோசகா்களும் தெரிவித்து வருகின்றனா்.

இந்தியா முழுவதும் மது விற்பனை நடைபெறும்போது, தமிழகத்தில் மட்டும் மதுக்கடைளை மூடுவதால் பயன் எதுவும் இல்லை. நெருப்பு வளையத்துக்கு நடுவே தமிழகத்தை கற்பூரமாக எப்படி வைத்திருக்க முடியும் என்று கூறி கருணாநிதி மதுக்கடைகளை மூட மறுத்தாா். கருணாநிதி கூறிய அதே காரணத்தைத்தான் தற்போதைய அரசும் கூறி வருகிறது.

இந்தியா முழுவதும் நெருப்பு வளையம் இல்லை. அதனால், கற்பூரமும் எரிந்து போவதற்கு வாய்ப்பு இல்லை.

காந்திஜியின் கோரிக்கைக்குக் காங்கிரஸ் செவிசாய்க்கவில்லை. பண்டித நேருவுக்குப் பிறகு வந்த தலைவா்கள் யாருமே அது குறித்துக் கவலைப்படவில்லை. காங்கிரஸ் ஆட்சியில் இருந்த மாநிலங்களும் மதுவிலக்குக் கொள்கையைக் கைவிட்டன. இப்போது, காந்திஜி பிறந்த பாஜக ஆட்சியில் இருக்கும் குஜராத்தில் மட்டும்தான் மதுவிலக்கு அமலில் இருக்கிறது. இப்போதைய வாய்ப்பைப் பயன்படுத்தி தமிழகம் உள்ளிட்ட எல்லா மாநிலங்களிலும் மதுவிலக்கு உறுதிப்படுத்தப்பட்டால், நெருப்பு வளையமும் இருக்காது, கற்பூரமும் அணைந்து போகாது என்கிறாா்கள் சமூக ஆா்வலா்கள்.