கேரளத்தில் புதிதாக 19 பேருக்கு கரோனா தொற்று உறுதி

கேரளத்தில் புதிதாக 19 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளதாக அம்மாநில முதல்வர் பினராயி விஜயன் தெரிவித்துள்ளார்.

இதுதொடர்பாக இன்று (செவ்வாய்கிழமை) மாலை செய்தியாளர்களைச் சந்தித்த அவர் தெரிவித்ததாவது:

கேரளத்தில் புதிதாக 19 பேருக்கு கரோனா வைரஸ் நோய்த் தொற்று இருப்பது இன்று உறுதி செய்யப்பட்டுள்ளது. இதில் 12 பேர் வெளிநாட்டுப் பயணம் மேற்கொண்டுள்ளனர். 117 பேர் சிகிச்சை பெற்று வருகின்றனர். 

புதிதாக பாதிக்கப்பட்டவர்கள்:

கண்ணூர் - 10
பாலக்காடு - 4
காசர்கோட் - 3
மலப்புரம் - 1
கொல்லம் - 1

கேரளத்தில் நேற்று புதிதாக 6 பேருக்கு நோய்த் தொற்று இருப்பது உறுதி செய்யப்பட்டது குறிப்பிடத்தக்கது.