Enable Javscript for better performance
DMK boycotts Opposition leaders meet led by Congress in Delhi- Dinamani

சுடச்சுட

    

    காங்கிரஸ் தலைமையில் எதிர்க்கட்சிகள் கூட்டம்: திமுக புறக்கணிப்பு?

    By DIN  |   Published on : 13th January 2020 03:48 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Congress_Opposition_Meet_3


    தில்லியில் காங்கிரஸ் தலைமையில் நடைபெறும் எதிர்க்கட்சிகள் கூட்டத்தில் திமுக பிரதிநிதிகள் யாரும் பங்கேற்கவில்லை.

    நாட்டில் நிலவும் அரசியல் சூழல் குறித்து விவாதிக்க காங்கிரஸ் இடைக்காலத் தலைவர் சோனியா காந்தி தில்லியில் எதிர்க்கட்சிகள் கூட்டத்துக்கு அழைப்பு விடுத்தார்.

    இந்தக் கூட்டத்தில் தேசியவாத காங்கிரஸ் தலைவர் சரத் பவார், லோக் தந்திரிக் ஜனதா தளம் தலைவர் சரத் யாதவ், இடதுசாரி தலைவர்கள் சீதாராம் யெச்சூரி மற்றும் டி. ராஜா ஆகியோர் பங்கேற்றனர். தமிழகத்தில் இருந்து விடுதலைச் சிறுத்தைகள் கட்சித் தலைவர் தொல். திருமாவளவன் பங்கேற்றுள்ளார்.

    காங்கிரஸ் கட்சியில் ராகுல் காந்தி, மன்மோகன் சிங், குலாம் நபி ஆசாத் மற்றும் அகமது படேல் உள்ளிட்டோர் பங்கேற்றனர்.

    பகுஜன் சமாஜ், ஆம் ஆத்மி மற்றும் திரிணமூல் காங்கிரஸ் ஆகிய கட்சிகள் இந்தக் கூட்டத்தில் பங்கேற்கப்போவதில்லை என ஏற்கெனவே அறிவித்தனர். இந்நிலையில், திமுக சார்பிலும் இந்தக் கூட்டத்தில் யாரும் பங்கேற்கவில்லை 

    ஏற்கெனவே, தமிழகத்தில் உள்ளாட்சித் தேர்தல் விவகாரத்தில் திமுக, காங்கிரஸ் இடையே சுமூக உறவு இல்லாதது காங்கிரஸ் தமிழக தலைவர் கே.எஸ். அழகிரியின் அறிக்கை மூலம் வெளிபட்டது. இந்தச் சூழலில் திமுக பிரதிநிதிகள் யாரும் காங்கிரஸ் தலைமையிலான எதிர்க்கட்சிகள் கூட்டத்தில் பங்கேற்காதது சந்தேகத்தை எழுப்பியுள்ளது.

    நாடு முழுவதும் குடியுரிமைத் திருத்தச் சட்டத்துக்கு எதிராக மாணவர்கள் தீவிரப் போராட்டங்களில் ஈடுபட்டு வருகின்றனர். அதேசமயம், பல்கலைக்கழக வளாகங்களிலும் வன்முறைச் சம்பவங்கள் அரங்கேறுகிறது. எனவே, மாணவர்களின் ஆதரவைப் பெறுவதற்கான முயற்சிகளில் எதிர்க்கட்சிகள் இறங்கியுள்ளன.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai