தில்லியில் இன்று (செவ்வாய்க்கிழமை) புதிதாக 1,056 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது.
தில்லி கரோனா பாதிப்பு நிலவரம் பற்றிய தரவுகளை தில்லி சுகாதாரத் துறை வெளியிட்டுள்ளது. இதன்படி, அங்கு புதிதாக 1,056 பேருக்கு கரோனா தொற்று இருப்பது உறுதி செய்யப்பட்டுள்ளது. மேலும் 28 பேர் பலியாகியுள்ளனர். 1,135 பேர் குணமடைந்து வீடு திரும்பியுள்ளனர்.
இதைத் தொடர்ந்து தில்லியில் மொத்தம் பாதித்தோர் எண்ணிக்கை 1,32,275 ஆக உயர்ந்துள்ளது. இதில் 1,17,507 பேர் குணமடைந்துள்ளனர். 3,881 பேர் பலியாகியுள்ளனர். இன்றைய தேதியில் 10,887 பேர் சிகிச்சை பெற்று வருகின்றனர்.
இன்று மட்டும் 18,544 பரிசோதனைகள் மேற்கொள்ளப்பட்டுள்ளன. இதுவரை மொத்தம் 9,76,827 பரிசோதனைகள் மேற்கொள்ளப்பட்டுள்ளன.