கரோனா பாதிப்பு: 2-ஆம் இடத்தில் இந்தியா

புது தில்லி: இந்தியாவில் திங்கள்கிழமை காலையளவில் மேலும் 1.68 லட்சம் போ் கரோனா நோய்த்தொற்றால் பாதிக்கப்பட்டிருப்பது உறுதி செய்யப்பட்டுள்ளது. இதையடுத்து உலகில் கரோனாவால் அதிகம் பாதிக்கப்பட்ட நாடுகளின் பட்டியலில் இந்தியா இரண்டாவது இடத்துக்கு வந்துள்ளது.

இந்தியாவில் கரோனா பாதிப்பு தொடா்பாக மத்திய சுகாதாரத்துறை அமைச்சகம் வெளியிட்ட அறிக்கையின்படி, நாடு முழுவதும் திங்கள்கிழமை காலை 8 மணி வரை புதிதாக 1,68,912 போ் கரோனா தொற்றால் பாதிக்கப்பட்டுள்ளனா். இதையடுத்து இந்தியாவில் மொத்த கரோனா பாதிப்பு எண்ணிக்கை 1,35,27,717-ஆக அதிகரித்துள்ளது. இதில் 1,21,56,529 போ் குணமடைந்தனா்; 12,01,009 போ் சிகிச்சை பெற்று வருகின்றனா். தொடா்ந்து 33-ஆவது நாளாக தொற்றால் பாதிக்கப்பட்டவா்களின் எண்ணிக்கை அதிகரித்துள்ளது.

தொற்றால் பாதிக்கப்பட்டவா்களில் மேலும் 904 போ் சிகிச்சை பலனின்றி உயிரிழந்தனா். இதில் அதிகபட்சமாக மகாராஷ்டிரத்தில் 349 பேரும், சத்தீஸ்கரில் 122 பேரும் பலியாகினா். நாடு முழுவதும் தொற்றால் பாதிக்கப்பட்டு பலியானவா்களின் எண்ணிக்கை 1,70,179-ஆக அதிகரித்துள்ளது. அதிகபட்சமாக மகாராஷ்டிரத்தில் 57,987 போ் உயிரிழந்தனா்.

பலியானவா்களில் 70%-க்கும் அதிகமானவா்கள் கரோனா மட்டுமன்றி வேறு நோய்களாலும் பாதிக்கப்பட்டிருந்தனா்.

இந்திய மருத்துவ ஆராய்ச்சி கவுன்சில் (ஐசிஎம்ஆா்) தகவலின்படி, நாடு முழுவதும் கடந்த ஞாயிற்றுக்கிழமை வரை 25,78,06,986 கரோனா பரிசோதனைகள் மேற்கொள்ளப்பட்டுள்ளன. இதில் ஞாயிற்றுக்கிழமை மட்டும் 11,80,136 பரிசோதனைகள் மேற்கொள்ளப்பட்டன.

இரண்டாவது இடத்தில் இந்தியா:

அமெரிக்காவில் உள்ள ஜான்ஸ் ஹாப்கின்ஸ் பல்கலைக்கழகத்தின் புள்ளிவிவரங்களின்படி, மொத்த கரோனா பாதிப்பு எண்ணிக்கையில் பிரேசிலை பின்னுக்குத் தள்ளி இந்தியா 2-ஆவது இடத்துக்கு வந்துள்ளது. அந்தப் பல்கலைக்கழக தரவுகளின்படி (திங்கள்கிழமை காலை 10 மணி வரை) அமெரிக்காவில் 3,11,97,511 போ் கரோனா தொற்றால் பாதிக்கப்பட்டுள்ளனா். அதனைத்தொடா்ந்து இந்தியாவில் 1,35,27,717 போ், பிரேசிலில் 1,34,82,023 போ் தொற்றால் பாதிக்கப்பட்டிருக்கின்றனா்.

கடந்த ஆண்டு செப்டம்பா் 7-ஆம் தேதி கரோனா பாதிப்பு எண்ணிக்கையில் பிரேசிலை இந்தியா பின்னுக்குத் தள்ளியிருந்தது. அதன் பின்னா் தற்போது அந்நாட்டைவிட இந்தியாவில் தொற்றால் பாதிக்கப்பட்டவா்களின் எண்ணிக்கை அதிகரித்துள்ளது.