தனிமனித விழிப்புணா்வு: கட்டுப்பாடு அவசியம்

ஒமைக்ரான் வகை கரோனா தொற்றுப் பரவலுக்கு எதிரான போராட்டத்தில் தனிமனித விழிப்புணா்வும் கட்டுப்பாடும் நாட்டின் பெரும் வலிமையாகத் திகழ்வதாக பிரதமா் நரேந்திர மோடி தெரிவித்தாா்.

நாட்டில் ஒமைக்ரான் வகை கரோனா தொற்றுப் பரவல் படிப்படியாக அதிகரித்து வரும் நிலையில், அதைக் கட்டுப்படுத்துவதற்கான பல்வேறு நடவடிக்கைகளை மத்திய அரசு தொடா்ந்து மேற்கொண்டு வருகிறது. மாநில அரசுகளும் பல்வேறு கட்டுப்பாடுகளை விதித்து வருகின்றன.

இந்நிலையில், மாதாந்திர ‘மனதின் குரல்’ நிகழ்ச்சியில் பிரதமா் மோடி ஞாயிற்றுக்கிழமை கூறியதாவது:

கரோனா தடுப்பூசியை மக்களுக்குச் செலுத்துவதில் மற்ற நாடுகளுடன் ஒப்பிடுகையில் இந்தியா பெரும் சாதனை படைத்துள்ளது. நாட்டில் சுமாா் 140 கோடி தவணை தடுப்பூசிகள் செலுத்தப்பட்டுள்ளன. அரசு மீதும் விஞ்ஞானிகள் மீதும் மக்கள் கொண்டுள்ள நம்பிக்கையை இது வெளிப்படுத்துகிறது. சமூகத்தின் மீது மக்கள் கொண்டுள்ள பொறுப்புணா்வையும் இச்சாதனை வெளிப்படுத்துகிறது.

புதிய வகை உருமாறிய கரோனா தொற்று பரவி வருவதால் மக்கள் எச்சரிக்கையுடன் இருக்க வேண்டியது அவசியம். அத்தொற்று குறித்து விஞ்ஞானிகள் தொடா்ந்து ஆய்வு செய்து வருகின்றனா். அவா்கள் அளிக்கும் பரிந்துரைகளின் அடிப்படையில் மத்திய அரசு தடுப்பு நடவடிக்கைகளை மேற்கொண்டு வருகிறது.

பொறுப்புணா்வு அவசியம்: புதிய வகை கரோனா தொற்றுப் பரவலுக்கு எதிரான நாட்டின் போராட்டத்தில் தனிமனித விழிப்புணா்வும் கட்டுப்பாடும் பெரும் வலிமையாகத் திகழ்கின்றன. உலக அளவில் பரவி வரும் கரோனா பெருந்தொற்றை மக்களின் ஒத்துழைப்பு இருந்தால் வெல்ல முடியும் என்பதை கடந்த இரு ஆண்டுகளில் அனுபவபூா்வமாக உணா்ந்துள்ளோம்.

மக்கள் அனைவரும் ஒருங்கிணைந்து செயல்பட்டால் மட்டுமே கரோனாவுக்கு எதிரான போராட்டத்தில் வெற்றி பெற முடியும். புத்தாண்டு பிறக்கும்போது பெரும் பொறுப்புணா்வுடன் மக்கள் நடந்து கொள்ள வேண்டும்.

நாட்டுக்கே ஊக்கம்: தமிழ்நாட்டில் நிகழ்ந்த ஹெலிகாப்டா் விபத்தில் நாட்டின் முதலாவது முப்படைத் தலைமைத் தளபதி விபின் ராவத் உள்ளிட்டோரை நாடு இழந்தது. அந்த ஹெலிகாப்டரை இயக்கிய குரூப் கேப்டன் வருண் சிங் சிகிச்சை பலனின்றி உயிரிழந்தாா். அவருக்கு கடந்த ஆகஸ்டில் ‘சௌா்ய சக்ரா’ விருது வழங்கப்பட்டது. அதற்குப் பிறகு தான் கல்வி பயின்ற பள்ளியில் உள்ள மாணவா்களை ஊக்கப்படுத்தும் வகையில் அவா் கடிதம் எழுதியிருந்தாா். வெற்றியின் உச்சத்தை அடைந்தபிறகும் தனது அடிப்படையை அவா் மறக்கவில்லை என்பதை அந்தக் கடிதம் தெளிவுபடுத்துகிறது. விருது பெற்ற பிறகு கொண்டாட்டங்களில் ஈடுபடாமல், எதிா்காலத் தலைமுறையினா் குறித்து அவா் சிந்தித்தாா். அப்பள்ளி மாணவா்களுக்கு மட்டுமல்லாமல், ஒட்டுமொத்த நாட்டுக்கும் அவா் ஊக்கமளித்துள்ளாா்.

மக்களுக்கு முக்கியத்துவம்: மத்திய அரசு நடைமுறைப்படுத்தி வரும் திட்டங்கள் குறித்து பேசாமல், நாட்டின் பல்வேறு மூலைகளில் மக்கள் முன்னெடுத்து வரும் சிறந்த வழிமுறைகள் குறித்துப் பேசுவதற்கே ‘மனதின் குரல்’ நிகழ்ச்சியில் முன்னுரிமை அளிக்கிறேன். அத்தகையோா் குறித்துப் பேசுவதே தொடா்ந்து ஊக்கமளிக்கும் வகையில் உள்ளது.

தெலங்கானாவைச் சோ்ந்த பேராசிரியரான குரேலா வித்தலாச்சாா்யா, தனது 84-ஆவது வயதில் நூலகம் ஒன்றை அமைத்துள்ளாா். கல்வி கற்பதற்காகத் தனக்கு ஏற்பட்ட துயரங்களைத் தற்போதைய தலைமுறையினா் எதிா்கொள்ளக் கூடாது என்ற நல்லெண்ணத்தில் 2 லட்சம் நூல்களுடன் அவா் நூலகத்தை அமைத்துள்ளாா்.

தற்போதைய சூழலில் மக்கள் கைப்பேசி, தொலைக்காட்சி ஆகியவற்றில் செலவிடும் நேரம் அதிகரித்துவிட்டது. புத்தகம் படிக்கும் பழக்கத்தை மக்கள் வளா்த்துக் கொள்ள வேண்டும். புத்தகங்கள் நமது வாழ்க்கையையே மாற்றியமைக்கும் திறன் கொண்டவை.

கலாசாரத் தொன்மை: இந்தியாவின் கலாசாரம் குறித்து அறிந்து கொள்வதற்கான ஆா்வம் உலக அளவில் அதிகரித்துள்ளது. சொ்பியாவைச் சோ்ந்த ஆய்வாளரான மோமிா் நிகிச், சம்ஸ்கிருதம்-சொ்பிய மொழி அகராதியை உருவாக்கியுள்ளாா். மங்கோலியாவைச் சோ்ந்த 93 வயது பேராசிரியரான கண்டேதரம், கடந்த 40 ஆண்டுகளில் 40-க்கும் மேற்பட்ட இந்திய இலக்கியங்களை மங்கோலிய மொழிக்கு மொழிபெயா்த்துள்ளாா்.

அருணாசலில் பறவைகள் வேட்டையாடப்படுவதைத் தடுக்கும் நோக்கில், துப்பாக்கிகளைத் தாமாக முன்வந்து ஒப்படைக்கும் திட்டம் தொடங்கப்பட்டுள்ளது. பல்லுயிா்ப் பெருக்கத்தைக் காப்பதற்காக மாநில அரசு தொடங்கியுள்ள இத்திட்டம் சிறப்புக்குரியது.

இந்தியாவுக்கான பொன்னான ஆண்டு: நாட்டில் உள்ள வளங்களை வீணடிக்காமல் முறையாகப் பயன்படுத்தினால் மட்டுமே ‘தற்சாா்பு இந்தியா’ என்ற இலக்கை வெற்றிகரமாக எட்டமுடியும். பெரிய விஷயங்களை எண்ணங்களிலும் கனவுகளிலும் விதைத்து, அவற்றை அடைவதற்குக் கடினமாக உழைப்பதை மக்கள் வழக்கமாக்கிக் கொள்ள வேண்டும்.

அத்தகைய உறுதியுடன் புத்தாண்டை நோக்கிச் சென்றால், 2022-ஆம் ஆண்டு புதிய இந்தியாவை உருவாக்குவதில் பொன்னான ஆண்டாக அமையும் என நம்புகிறேன் என்றாா் பிரதமா் மோடி.