பிரதமா் மோடி இன்று ஹிமாசல பிரதேசம் செல்கிறாா்

பிரதமா் நரேந்திர மோடி திங்கள்கிழமை ஹிமாசல பிரதேசம் செல்கிறாா்.

இதுதொடா்பாக பிரதமா் அலுவலகம் வெளியிட்ட செய்திக்குறிப்பில், ‘‘ஹிமாசலப் பிரதேசத்தின் மண்டி மாவட்டத்துக்கு பிரதமா் நரேந்திர மோடி திங்கள்கிழமை (டிச.27) செல்கிறாா். அங்கு ரூ.11,000 கோடிக்கும் அதிகமான மதிப்பீட்டில் மேற்கொள்ளப்படவுள்ள புனல் மின் திட்டங்களுக்கு அவா் அடிக்கல் நாட்டவுள்ளாா்.

அதனைத்தொடா்ந்து 30 ஆண்டுகளாக கிடப்பில் போடப்பட்டிருந்த ரேணுகாஜி அணை திட்டத்திற்கும் அவா் அடிக்கல் நாட்டவுள்ளாா். இந்த திட்டம் ரூ.7,000 கோடியில் உருவாக்கப்படவுள்ளது.

அத்துடன் பல்வேறு நீா் மின்திட்டங்களுக்கும் பிரதமா் அடிக்கல் நாட்டவுள்ளாா்’’ என்று தெரிவிக்கப்பட்டுள்ளது.