கரோனா: நாட்டில் உயிரிழப்போர் விகிதம் 1.44 சதவீதமாக குறைவு

நாடு முழுவதும் கரோனா தொற்று பாதிப்பால் உயிரிழப்போர் விகிதம் 1.44 சதவீதமாகவும், குணமடைவோர் விகிதம் 96.66 சதவீதமாக உயர்ந்துள்ளது. 

இதுகுறித்து மத்திய சுகாதாரத் துறை அமைச்சகம் வெளியிட்ட அறிக்கையில் மேலும் கூறப்பட்டிருப்பதாவது:

புதன்கிழமை காலை 8 மணி வரை, புதிதாக 13,823 பேருக்கு கரோனா தொற்று உறுதி செய்யப்பட்டது. இதனால், பாதிக்கப்பட்டோரின் மொத்த எண்ணிக்கை 1,05,95,660 ஆக அதிகரித்துள்ளது.

கரோனா தொற்றில் இருந்து மேலும் 16,988 போ் குணமடைந்தனா். இதனால், கரோனாவில் இருந்து குணமடைந்தோா் எண்ணிக்கை 1,02,45,741 -ஆக அதிகரித்தது. இது, மொத்த பாதிப்பில் 96.66 சதவீதமாகும்.

கரோனா தொற்றுக்கு மேலும் 162 போ் உயிரிழந்தனா். இதனால் இதுவரை உயிரிழந்தோா் எண்ணிக்கை 1,52,718-ஆக அதிகரித்துள்ளது. இது, மொத்த பாதிப்பில் 1.44 சதவீதமாகும்.

நாடு முழுவதும் 1,97,201 போ் கரோனாவுக்கு சிகிச்சை பெற்று வருகின்றனா். இது, மொத்த பாதிப்பில் 1.90 சதவீதமாகும்.

இந்திய மருத்துவ ஆராய்ச்சி கவுன்சில் (ஐ.சி.எம்.ஆா்.) தகவல்படி, ஜனவரி 19-ஆம் தேதி வரை 18.85 கோடி கரோனா பரிசோதனைகள் மேற்கொள்ளப்பட்டுள்ளன. இதில், செவ்வாய்க்கிழமை மட்டும் 7,64,120 பரிசோதனைகள் நடத்தப்பட்டுள்ளன.