6 மாநிலங்களில் நாட்டின் 80.63% கரோனா

நாட்டில் கடந்த 24 மணிநேரத்தில் பதிவான மொத்த கரோனாவில் 6 மாநிலங்களில் மட்டும் 80.63 சதவிகித கரோனா பதிவாகியுள்ளதாக மத்திய சுகாதாரத்துறை தெரிவித்துள்ளது.

நாட்டின் பல்வேறு மாநிலங்களில் கரோனா வைரஸ் தொற்று பரவி வருகிறது. இதனைத் தடுக்க மத்திய அரசுடன் இணைந்து மாநில அரசுகள் பல்வேறு நடவடிக்கைகளை எடுத்து வருகின்றன.

எனினும் கடந்த 24 மணிநேரத்தில் நாடு முழுவதும் 53,476 பேருக்கு கரோனா வைரஸ் தொற்று கண்டறியப்பட்டுள்ளது. 

இதில் 6 மாநிலங்களில் மட்டும் 80.63 சதவிகிதம் கரோனா பரவியுள்ளதாக மத்திய சுகாதாரத்துறை தெரிவித்துள்ளது.

மகாராஷ்டிரம், பஞ்சாப், கேரளம், கர்நாடகம், சத்தீஸ்கர் மற்றும் குஜராத் ஆகிய மாநிலங்களில் நாள்தோறும் பதிவாகும் கரோனா அதிகரித்து வருகிறது.