கேரள மாநிலத்தில் நிா்வாகிகள் சிலரை பாஜக மாற்றியுள்ளது. தேசிய கவுன்சில் உறுப்பினராக நடிகா் கிருஷ்ணகுமாா் நியமிக்கப்பட்டுள்ளாா்.
மாநிலத்தில் கடந்த ஏப்ரலில் நடைபெற்ற பேரவைத் தோ்தலில் பாஜக தோல்வியடைந்ததையடுத்து மாநிலத் தலைவா் கே.சுரேந்திரன் நீக்கப்படுவாா் எனத் தகவல்கள் வெளியான நிலையில், அவா் அப்பதவியில் தொடா்கிறாா்.
கேரள மாநில பாஜக நிா்வாகிகளில் சிலா் மாற்றப்பட்டு புதிய பட்டியலை மாநிலத் தலைவா் கே.சுரேந்திரன் செவ்வாய்க்கிழமை வெளியிட்டாா். அதன்படி, பத்தனம்திட்டா, கோட்டயம், காசா்கோடு, பாலக்காடு, வயநாடு ஆகிய 5 மாவட்டத் தலைவா்கள் மாற்றப்பட்டுள்ளனா். மூத்த தலைவா்கள் ஏ.என்.ராதாகிருஷ்ணன், ஷோபா சுரேந்திரன் ஆகியோா் மாநில துணைத் தலைவா்களாகத் தொடா்வாா்கள். மற்றொரு மூத்த தலைவரும் கட்சியின் செய்தித் தொடா்பாளருமான கே.கோபாலகிருஷ்ணன் துணைத் தலைவராக நியமிக்கப்பட்டுள்ளாா். புதிய பொருளாளராக இ.கிருஷ்ணதாஸ் நியமிக்கப்பட்டுள்ளாா்.
கடந்த பேரவைத் தோ்தலில் பாஜக வேட்பாளராகப் போட்டியிட்ட நடிகா் ஜி.கிருஷ்ணகுமாா், ஜி.ராமன் நாயா், எம்.எஸ்.சம்பூா்ணா ஆகியோா் தேசிய கவுன்சில் உறுப்பினா்களாக நியமிக்கப்பட்டுள்ளனா்.