உச்சம் தொடும் பெட்ரோல் விலை; மும்பையில் ரூ.111.46

தொடா்ந்து 5-ஆவது நாளாக பெட்ரோல், டீசல் விலை ஞாயிற்றுக்கிழமை அதிகரிக்கப்பட்டது. அவற்றின் விலை தலா 35 காசுகள் அதிகரிக்கப்பட்டன. 

இதன் காரணமாக, மும்பை மற்றும் பெங்களூருவில் பெட்ரோல், டீசல் விலை புதிய உச்சங்களைத் தொட்டது. இன்று இந்த விலைகளில் மாற்றமின்றி காணப்படுகிறது.

நாட்டிலேயே அதிகபட்சமாக போபாலில் ஒரு லிட்டர் பெட்ரோல் ரூ.116.26க்கும், டீசல் ரூ.105.64க்கும் விற்பனையாகிறது.

இதையும் படிக்கலாமே.. அதிவிரைவாகப் பரவும் உருமாறிய கரோனா ஏஒய். 4.2: சவாலை எதிர்கொள்ள நாடு தயாரா?

பெட்ரோல், டீசல் விலையை எண்ணெய் நிறுவனங்கள் தினந்தோறும் மாற்றியமைத்து வருகின்றன. எனினும் கடந்த அக்.18, 19-ஆம் தேதிகளில் அவற்றின் விலையில் மாற்றம் செய்யப்படவில்லை. அதன் பின்னா் அவற்றின் விலை தொடா்ந்து அதிகரிக்கப்பட்டு வருகிறது. 

இந்நிலையில், பெட்ரோல், டீசல் விலை ஞாயிற்றுக்கிழமை லிட்டருக்கு தலா 35 காசுகள் உயா்த்தப்பட்டது. இதையடுத்து ஒரு லிட்டா் பெட்ரோல் விலை மும்பையில் ரூ.113.46-ஆகவும், தில்லியில் ரூ.107.59-ஆகவும் அதிகரித்தது. சென்னையில் ஒரு லிட்டா் பெட்ரோல் ரூ.104.52-க்கு விற்பனை செய்யப்பட்டது.

ஒரு லிட்டா் டீசல் விலை மும்பையில் ரூ.104.38-க்கும் சென்னையில் ரூ.100.59-க்கும் விற்பனையானது. தில்லியில் ஒரு லிட்டா் டீசல் ரூ.96.32-ஆக அதிகரித்தது.

நாட்டின் அனைத்து முக்கிய நகரங்களிலும் ஒரு லிட்டா் பெட்ரோல் விலை ரூ.100-ஐ எட்டியுள்ளது. பல மாநிலங்களில் டீசல் விலையும் ரூ.100-ஐ கடந்துள்ளது.