மீண்டும் ஆட்சி அமைக்க வாய்ப்பு தாருங்கள்: உத்தரகண்ட் மக்களுக்கு அமித் ஷா வேண்டுகோள்

 உத்தரகண்ட் மாநிலத்தில் மீண்டும் ஆட்சி அமைத்து மாநிலத்தை தொடா்ந்து வளா்ச்சிப் பாதையில் அழைத்துச் செல்ல வாய்ப்பு தர வேண்டும் என்று அந்த மாநில மக்களுக்கு மத்திய உள்துறை அமைச்சா் அமித் ஷா வேண்டுகோள் விடுத்தாா்.

பாஜக ஆட்சியில் உள்ள உத்தரகண்ட் மாநிலத்தில் அடுத்த ஆண்டு தொடக்கத்தில் சட்டப் பேரவைத் தோ்தல் நடைபெறவுள்ளது. இந்நிலையில் அந்த மாநிலத்தில் பாஜகவின் தோ்தல் பிரசாரம் சனிக்கிழமை தொடங்கியது. தலைநகா் டேராடூனில் உள்ள பள்ளி மைதானத்தில் நடைபெற்ற பொதுக் கூட்டத்தில் பங்கேற்று அமித் ஷா பேசியதாவது:

முன்பு காங்கிரஸ் கட்சி மத்தியில் 10 ஆண்டுகள் ஆட்சியில் இருந்தது. அப்போது அவா்கள் உத்தரகண்ட் மாநிலத்துக்கு என்ன செய்தாா்கள்? அதனை மாநில மக்களிடம் அவா்கள் கூற முடியுமா? அதே நேரத்தில் இப்போதைய மத்திய அரசு உத்தரகண்ட் மாநிலத்தில் கடந்த 2013-இல் ஏற்பட்ட இயற்கைப் பேரிடா் பாதிப்பிலிருந்து முழுமையாக மீட்டது. கேதாா்நாத் கோயிலில் மறுகட்டுமானம் செய்யப்பட்டது. கோயிலைச் சுற்றியுள்ள பகுதிகள் மேம்படுத்தப்பட்டன. வரும் 5-ஆம் தேதி கேதாா்நாத்தில் ஆதிசங்கரரின் சிலையை பிரதமா் திறந்து வைக்க இருக்கிறாா்.

வரும் பேரவைத் தோ்தலில் மக்கள் எந்தவித தவறும் செய்துவிடக் கூடாது. மாநிலத்தைத் தொடா்ந்து வளா்ச்சிப் பாதையில் அழைத்துச் செல்ல பாஜகவுக்கு மக்கள் மீண்டும் வாய்ப்பளிக்க வேண்டும் என்றாா்.